Search form

Numbers 3:17-20

17-20Levi-aq pingayunek qetunrangqertuq: Gershon-aamek, Kohath-amek Merari-mek-llu. Ukut ciuliaqluki naumavikestaita atengqellriit ellaicetun. Gershon-aaq-llu qetunrangqellruluni malrugnek: Libni-mek, Shimei-aq-wa; Kohath-aq qetunrangqellruluni cetamanek: Amram, Izhar, Hebron, Uzziel-aaq-wa; Merari malrugnek qetunrarluni: Mahli aipaa-wa Mushi. Ukut ciuliaqait ilakuralriit atengqellriit ellaicetun.

21Naumavilget Gershon-aamek yungqertut ilakuralriartakegnek Libni-nkuk Shimei-aq-llu.

Yupik Bible

Yupik Bible © 2012 American Bible Society

More Info | Version Index