Search form

Numbers 4:34-48

Naaqumallrat Levite-at

34-48Atanrem alerquuciatun Moses-aam, Aaron-aam, yuut-llu ciuliqagtaita naaqellruit ukut pingayun Levite-at naumavilget ukunek: Kohath-amek, Gershon-aamek, Merari-mek-llu. Naaqellruit naumaviita kinguvritgun ilakuralriaritgun-llu allrakulget yuinaq qulnek cipluku (30) ayagluki yuinaak malruk qulnek cipluku (50) allrakungelriit engelekluki caliyugngalriit Pelatekami. Waten amllertaluteng Kohath-am kinguvri: malruk tiissitsaak, tiissitsaam avga yuinaat arvinelgen qulnek cipluku (2,750). Gershon-aam kinguvri: malruk tiissitsaak, tiissitsaam avga yuinaat arvinelgen qulnek cipluku (2,630). Merari-m kinguvri: pingayun tiissitsaat, yuinaat-wa qulen (3,200). Tapeqluteng amllertaciit pingayunelgen tiissitsaat, tiissitsaam avga, yuinaat-wa cetaman (8,580). 49Tamarmeng angutet igausngallruut Atanrem Moses-aamun alerquutii aturluku. Alerquuciatun-llu Moses-aaq Atanrem tamarmeng cali angutet caliarkicimallruluteng kevgiullerkameggnun wall'u ayagacisten͞gullerkameggnun.

Yupik Bible

Yupik Bible © 2012 American Bible Society

More Info | Version Index