Search form

Numbers 7

Ciuliqagtet Elliitait

1Ernermi tuani Moses-aam qaqicamiu napartellra Pelatekam Atanrem alailarvigkaa mingullrua allakarluku-llu aklutuumaan. Tuaten-llu cali piluku ekuavik aklui-llu. 2Ilakellgutkelriit ciulirnerit ciuliqagten͞guluteng Israel-aam yuini ataniumastekellrit yugnek naaqilriit, 3taitut elliitekluki Atanermun ayagassuutnek qilakutalegnek arvinlegnek, kuluvagnek-llu qula malrugnek cipluku. Atauciq qilakutalek ayagassuun malrugnun ciuliqagtegnun tusngaluni, kuluvagngalnguut-llu ataucitaarluteng tamalkuitnun tusngaluteng. Cikiutekumariitki 4Atanrem qanrutaa Moses-aaq, 5“Ciuniurki tamakut elliitait atuuniartut Pelatekam caliaqellranun; tunluki Levite-anun caliaqerkait cuqekluki.” 6Tua-i Moses-aam tamakut elliitellret ayagassuutet kuluvagngalnguut-llu tunai Levite-anun. 7Gershon-aam qetunrai cikirai malrugnek ayagassuutegnek cetamanek-llu kuluvagngalngurnek caliarkait cuqluki; 8cetamanek-llu ayagassuutnek, pingayunlegnek-llu kuluvagngalngurnek Merari-m qetunrai cikirluki caliarkait cali cuqluki ataniumastiitgun Ithamar-akun Aaron-aam Agayulirtem qetunraakun. 9Kohath-am tau͡gaam qetunrai cikinritai caliaqelaitki qigcignarqelriit qugluteng ayagacarat.

10Tamakut-llu cali ciuliqagtet elliillruut naaqicimallerkaanun ekuaviim. Elliitekateng elliarkaurcatki ekuavigmun, 11Atanrem qanrutaa Moses-aaq, “Qanruski ernerni ukuni qula malrugnek cipluku unuaquaqan ataucitaarluki elliitekait ekuaviim naaqicimallerkaanun taiquraasqelluki.” 12-83Ciuqliatni erenret elliiqerraallruut Judah-mek nauvilget ciuliqagterluteng Nahshon-aamek Amminadab-aam qetunraanek; erenret aipaatni Issachar-amek nauvilget Nethanel-aamek Zuar-am qetunraanek ciuliqagterluteng; erenret pingayuatni Zebulon-aamek nauvilget ciuliqagtiit-wa Eliab-aaq Helon-aam qetunraa; erenret cetamiitni Reuben-aamek naumavilget ciuliqagtiit-wa Elizur-aaq Shedeur-am qetunraa; erenret tallimiitni Simeon-aamek nauvilget ciuliqagtiit-wa Shelumiel-aaq Zurishaddai-am qetunraa; erenret arvinelgatni Gad-amek nauvilget ciuliqagtiit-wa Eliasaph-aaq Deuel-aam qetunraa; erenret malrunelgatni Ephraim-aamek naumavilget ciuliqagtiit-wa Elishama Ammihud-aam qetunraa; erenret pingayunelgatni Manasseh-mek nauvilget ciuliqagtiit-wa Gamaliel-aaq Pedahzur-am qetunraa; erenret qulngunritariitni Benjamin-aamek nauvilget ciuliqagterluteng Abidan-aamek Gideoni-m qetunraanek; erenret qulngurutiitni Dan-amek naumavilget ciuliqagtiit-wa Ahiezer-aaq Ammishaddai-am qetunraa; erenret qula ataucimek ciptellratni Asher-aamek naumavilget ciuliqagtiit-wa Pagiel-aaq Ochran-aam qetunraa; erenret qula malrugnek cipluku Naphtali-mek naumavilget ciuliqagtiit-wa Ahira Enan-aam qetunraa. Ayuquralrianek-llu tamarmeng elliillruut: ataucimek qerrirlimek qantamek yuinaak malruk qulnek cipluku (50) usperem cetyagainek uqamaltaluni, atauciq qerrirliq ermigcuun yuinaq qulnek cipluku (30) usperem cetyagainek uqamaltaluni. Tamarmek imarlutek muirumalutek mukaamek uqumek urcimalriamek, mukaarkauluku elliitekamek; atauciq-wa suulutaaq qantaq cetamanek usperem cetyagainek uqamaltaluni aruviarmek imarluni; atauciq nulirteyagaq, atauciq angucaluq qusngiq, atauciq ataucimek allrakungelria qusngiyagaq ekualuki elliitnguarkanek, atauciq qusngirngalnguq assiilnguum au͡gautekaanun elliitekaq; malruk-wa nulirtek, talliman angucalut qusngit, talliman qusngirngalnguut, talliman-llu ataucimek allrakungelriit qusngiyagaat ilakuyucimun elliitnguarkat.

84-88Quyurmeng ukut ciuliqagtet elliitellrit naaqicimallerkaanun ekuaviim amllertaluteng; qula malrugnek cipluku qerrirlit qantat ermigcuutet-llu, quyurmeng uqamaltaluteng yuinarnek pingayunek (60) uspernek, qula malrugnek cipluku suulutaat qantat aruviarkamek imalget uqamaltaluteng yuinaak malruk akimiaq pingayunek cipluku (48) usperem cetyagainek, qula malruk nulirtet, qula malruk angucalut qusngit, qula malruk ataucimek allrakungelriit qusngiyagaat, cali-llu mukaarkat elliitet taprit tamakut ekualuki elliitnguarkauluteng, qula malrugnek cipluku qusngirngalnguut assiilnguum au͡gautekaanun elliitekat, yuinaq cetamanek cipluku (24) nulirtet, yuinarnek-llu pingayutaarluteng (60) angucalut qusngit, qusngirngalnguut, ataucimek-llu allrakungelriit qusngiyagaat ilakuyucimun elliitekat.

89Moses-aaq-llu itlermini Pelatekamun qalarucarturluku Agayun, niitaa Atanrem qanrutellrani Akqutem Yaassiigan patuan quliinek cherubim-aak akuliignek.

Yupik Bible

Yupik Bible © 2012 American Bible Society

More Info | Version Index