Search form

Numbers int

Nallunairun

Kalikaat Numbers-aat qanemcilriaruut Israelite-anek tamaani callritnek allrakuni yuinaagni malrugni (40) uniqaanermeggnek Ingriq Sinai-aq tekitellratnun calaralirneranun nunam Agayutem akqutkellran ellaitnun cikiutekciqniluku. Atrat ukut kalikat umyuaqutnguluni naaqumallratnun Ingrim Sinai-am nuniini; tuani-wa Moses-aam naaqumallrat caliaqellrua unipailgatgu tauna Ingriq Sinai-aq. Cali naaqumallruluteng Moab-ami, calaralirnerani Jordan-aam, kinguliangellrata ciuqlirnek kinguakun. Naaqumallermeng taukuk akuliigni Israelite-at ayallruut Kadesh Barnea-mun, ungalalirnerani Canaan-aam engeliin, tau͡gaam tuani itellruvkenateng akqutkellermeggnun nunamun. Allrakuni amllerni tamaanqaarluteng ayallruut Kuigem Jordan-aam calaralirneranun. Tuani yuut ilait uitaqallruut, tau͡gaam ilaita upyulluku qerallerkaa Jordan-aam iternaluteng Canaan-aamun.

Ukut-llu kalikat imangqertut qanemcikluku yuut caperrsugluteng tengruirut'lallrat alinguryulallrat-llu canun picurlautnun tekitaqameng. Qanemciuguq-llu Agayutem piciucianek ellaitnun, taq'lertuqsaunani aulukluki yun'i nalirrugtelangraata niisnganrilengraata-llu. Cali qanemcikluku Moses-aam pektayiitellra kevgiullermini Agayun auluklermini-llu tamakut yuut, iliini nerinisngialliq'lange'rmi.

Kalikam Imaa

Israelite-at uptellrat unitnaluku Ingriq Sinai-aq 1.1—9.23

a. Ciuqliq yuut naaqumallrat 1.1—4.49

b. Ayuqenrilnguut alerquutet picirkiutet-llu 5.1—8.26

c. Kinguqliq Kituun 9.1-23

Ayallrat Ingrimek Sinai-amek Moab-amun 10.1—21.35

Moab-ami uitallratni pillret 22.1—32.42

Takenrilnguq qanrutkumalria ayallratnek yuut Egypt-aamek Moab-amun 33.1-49

Picirkiurat qerarpailgatgu kuik Jordan-aaq 33.50—36.13

Yupik Bible

Yupik Bible © 2012 American Bible Society

More Info | Version Index