Search form

NA VUNAU NI SORO 12

Sa sega ni savasava na yalewa ni sa vakasucu, 1-5. A ka me vakasavasavataki kina, 6-8.

1A sa vosa vei Mosese ko Jiova, ka kaya, 2Mo vosa vei ira na Isireli, ka kaya, Kevaka sa kunekune na yalewa, a sa vakasucuma na gonetagane, ena qai sega ni savasava ka bogi vitu: me tautauvata kei na gauna sa tawase kina ko koya e na vuku ni nona mate vakayalewa, ena sega ni savasava kina. 3Ia e na kenai kawalu ni siga ena cilivi na kuli ni vusona na gonetagane. 4Me qai tiko ga na yalewa ka bogi tolusagavulu ka tolu, e na vuku ni dra ena vakasavasavataki maikina; me kakua ni tara ko koya e dua na ka tabu, se lako ki na vale tabu, ka me oti mada na siga sa vakasavasavataki kina ko koya. 5Ia kevaka sa vakasucuma na goneyalewa, ena qai sega ni savasava ka rua na wiki, me vaka na gauna sa tawase kina: ia me qai tiko ga ka onosagavulu ka ono na bogi, e na vuku ni dra ena vakasavasavataki maikina.

6Ia ni sa oti na nona siga sa vakasavasavataki kina, e na vuku ni gonetagane, se goneyalewa, me qai kauta mai ko koya e dua na lami sa yabaki dua ga mei soro kama, ka dua na ruve sa gone se na soqe, mei soro ni valavala ca, ki na katuba ni vale ni veitavaki, vua na bete: 7me qai vakacabora ko koya e na mata i Jiova, ka sorovaki koya; ena vakasavasavataki kina mai na nona turu dra balavu. Sa vakaoqo na lewa e na vuku i koya sa vakasucuma na tagane se yalewa. 8Ia kevaka sa sega ni rawata e dua na lami, me qai kauta e rua na soqe, se rua na ruve sa gone; e dua mei soro kama, ka dua mei soro ni valavala ca; ena qai sorovaki koya kina na bete, ena qai savasava ko koya.

Vakavakadewa Makawa

©1974 Bible Society of the South Pacific

More Info | Version Index