Search form

NA TIKO MAI NA LEKUTU 26

Era sa wili tale na tamata.

1Ia ni sa oti na mate levu, sa qai vosa ko Jiova vei Mosese, kei Eliesa na luve i Eroni na bete, ka kaya, 2Mo wilika nai soqosoqo taucoko ni Isireli, ko ira sa ruasagavulu na nodra yabaki ka toro cake, mai na veivale ni nodra qase, ko ira kecega vei ira na Isireli era sa lako rawa enai valu. 3A sa vosa vei ira ko Mosese kei Eliesa na bete, e na vanua cecelevu ni Moapi mai Joritani, ka donui Jeriko, ka kaya, 4Ko ira sa ruasagavulu na nodra yabaki ka toro cake; me vaka ka vakarota ko Jiova vei Mosese kei ira na Isireli, ko ira ka lako tani mai na vanua ko Ijipita.

5Ko Rupeni, o koya na ulumatua i Isireli: o ira na luve i Rupeni: o Enoke, na nodra mataqali na luve i Enoke: maivei Palu, na nodra mataqali na luve i Palu: 6maivei Esironi, na nodra mataqali na luve i Esironi: maivei Kamai, na nodra mataqali na luve i Kamai. 7O ira oqo sa nodra veimataqali na luve i Rupeni: ia ko ira sa wili vei ira, era le va na oba ka tolu na udolu ka vitu na drau ka tolusagavulu. 8Ia na luve i Palu, ko Iliapi. 9Ia ko iratou na luve i Iliapi; ko Nimueli, kei Tecani, kei Epairami. Oi rau oqo ko Tecani kei Epairami ko ya ka rogo e nai soqosoqo, erau veileti kei Mosese kei Eroni e nai lawalawa i Kora, ni ra a veileti kei Jiova: 10a sa kasei na vanua, ka tilomi rau, o iratou vata kei Kora, ni sa mate nai lawalawa ko ya, ni sa kani ira na bukawaqa era lewe rua na drau ka limasagavulu na tamata: a ra sa yaco mei vakatakilakila. 11Ia ka ra sega ni mate ko ira na luve i Kora.

12O ira na luve i Simioni e na nodra veimataqali: maivei Nimueli, na nodra mataqali na luve i Nimueli: maivei Jamini, na nodra mataqali na luve i Jamini: maivei Jakini, na nodra mataqali na luve i Jakini: 13maivei Sira, na nodra mataqali na luve i Sira: maivei Saula, na nodra mataqali na luve i Saula. 14O ira oqo sa nodra veimataqali na Simioni, e le rua na oba ka rua na udolu ka rua na drau.

15O ira na luve i Kata e na nodra veimataqali: maivei Sifoni, na nodra mataqali na luve i Sifoni: maivei Aki, na nodra mataqali na luve i Aki: maivei Suni, na nodra mataqali na luve i Suni: 16maivei Osini, na nodra mataqali na luve i Osini: maivei Eri, na nodra mataqali na luve i Eri: 17maivei Eroti, na nodra mataqali na luve i Eroti: maivei Areli, na nodra mataqali na luve i Areli. 18O ira oqo sa nodra veimataqali na luve i Kata, ko ira sa wili vei ira, e le va na oba ka lima na drau.

19Oi rau na luve i Juta, ko Eri kei Onani: a rau a mate ko Eri kei Onani e na vanua ko Kenani. 20Ia ko ira na luve i Juta e na nodra veimataqali: maivei Sela, na nodra mataqali na luve i Sela: maivei Feresi, na nodra mataqali na luve i Feresi: maivei Sira, na nodra mataqali na luve i Sira. 21Ia ko ira na luve i Feresi: maivei Esironi, na nodra mataqali na luvei Esironi: maivei Emuli, na nodra mataqali na luve i Emuli. 22O ira oqo sa veimataqali i Juta, ko ira sa wili vei ira, e le vitu na oba ka ono na udolu ka lima na drau.

23O ira na luve i Isakari e na nodra veimataqali: o Tola, na nodra mataqali na luve i Tola: maivei Pua, na nodra mataqali na luve i Pua: 24maivei Jasupi, na nodra mataqali na luve i Jasupi: maivei Simironi, na nodra mataqali na luve i Simironi. 25O ira oqo sa veimataqali i Isakari, ko ira sa wili vei ira, e le ono na oba ka va na udolu ka tolu na drau.

26O ira na luve i Sepuloni e na nodra veimataqali: maivei Sereti, na nodra mataqali na luve i Sereti: maivei Eloni, na nodra mataqali na luve i Eloni: maivei Jalieli, na nodra mataqali na luve i Jalieli. 27O ira oqo sa nodra veimataqali na luve i Sepuloni, ko ira sa wili vei ira, e le ono na oba ka lima na drau.

28O ira na luve i Josefa e na nodra veimataqali, ko ira na Manasa kei na Ifireimi. 29O ira na luve i Manasa: maivei Mekiri, na nodra mataqali na luve i Mekiri: a sa sucu ko Kiliati na luve i Mekiri: maivei Kiliati, na nodra mataqali na luve i Kiliati. 30O ira oqo na luve i Kiliati: o Ieseri, na nodra mataqali na luve i Ieseri: maivei Eleki, na nodra mataqali na luve i Eleki: 31kei Esirieli, na nodra mataqali na luve i Esirieli: kei Sikemi, na nodra mataqali na luve i Sikemi: 32kei Simita, na nodra mataqali na luve i Simita: kei Eferi, na nodra mataqali na luve i Eferi. 33Ia ko Silofati na luve i Eferi, sa sega na luvena tagane, a luvena yalewa ga; ia na yacadratou na luve i Silofati, ka yalewa, ko Mala, kei Noa, ko Okila, ko Milika, kei Tirisa. 34O ira oqo na veimataqali i Manasa: ia ko ira sa wili vei ira sa le lima na oba ka rua na udolu ka vitu na drau.

35O ira oqo na luve i Ifireimi e na nodra veimataqali: maivei Sucela, na nodra mataqali na luve i Sucela: maivei Pekeri, na nodra mataqali na luve i Pekeri: maivei Teani, na nodra mataqali na luve i Teani. 36Ia ko ira oqo na luve i Sucela, maivei Erani, na nodra mataqali na luve i Erani. 37O ira oqo sa nodra veimataqali na luve i Ifireimi, ko ira sa wili vei ira, e le tolu na oba ka rua na udolu ka lima na drau. O ira oqo na luve i Josefa e na nodra veimataqali.

38O ira na luve i Penijamini e na nodra veimataqali: maivei Pela, na nodra mataqali na luve i Pela: maivei Asipeli, na nodra mataqali na luve i Asipeli: maivei Eiirami, na nodra mataqali na luve i Eiirami: 39maivei Sifufami, na nodra mataqali na luve i Sifufami: maivei Ufami, na nodra mataqali na luve i Ufami. 40Ia ko ira na luve i Pela, ko Ariti kei Neamani: na nodra mataqali na luve i Ariti: maivei Neamani, na nodra mataqali na luve i Neamani. 41O ira oqo na luve i Penijamini e na nodra veimataqali: ia ko ira sa wili vei ira sa le va na oba ka lima na udolu ka ono na drau.

42O ira oqo na luve i Tani e na nodra veimataqali: maivei Suami, na nodra mataqali na luve i Suami. O ira oqo na veimataqali i Tani e na nodra veimataqali. 43O ira kecega na nodra veimataqali na luve i Suami, ko ira sa wili vei ira, sa le ono na oba ka va na udolu ka va na drau.

44O ira na luve i Aseri e na nodra veimataqali: maivei Imina, na nodra mataqali na luve i Imina: maivei Isivi, na nodra mataqali na luve i Isivi: maivei Piria, na nodra mataqali na luve i Piria: 45Maivei ira na luve i Piria: maivei Eperi, na nodra mataqali na luve i Eperi: maivei Malikieli, na nodra mataqali na luve i Malikieli. 46Ia na yaca ni luve i Aseri ko Sera ka yalewa. 47O ira oqo sa nodra veimataqali na luve i Aseri, ko ira sa wili vei ira, e le lima na oba ka tolu na udolu ka va na drau.

48O ira na luve i Nafitalai e na nodra veimataqali: maivei Jasieli, na nodra mataqali na luve i Jasieli: maivei Kuni, na nodra mataqali na luve i Kuni: 49maivei Jeseri, na nodra mataqali na luve i Jeseri: maivei Silemi, na nodra mataqali na luve i Silemi. 50O ira oqo sa veimataqali i Nafitalai e na nodra veimataqali: ia ko ira sa wili vei ira sa le va na oba ka lima na udolu ka va na drau.

51O ira oqo era sa wili vei ira na Isireli, sa le onosagavulu na oba ka dua na udolu ka vitu na drau ka tolusagavulu.

52A sa vosa vei Mosese ko Jiova, ka kaya, 53Me votai na vanua vei ira oqo mei votavota, me vaka nai wiliwili ni yacadra. 54Vei ira era lewe vuqa mo vakalevutaka na nodra i votavota, ka vei ira era lewe lailai mo vakalailaitaka na nodra i votavota: ena votai vei ira yadua me vaka na kedrai wiliwili yadua. 55Ia ena votai ga na vanua e na vakawiri madigi: era na taukena me vaka na yaca ni veimataqali ni nodra qase. 56Me vaka sa qarava ni ia na vakawiri madigi ena votai vei ira yadua nai votavota, se ra lewe vuqa se ra lewe lailai.

57Ia ko ira oqo era sa wili vei ira na Livai, e na nodra veimataqali: maivei Kerisoni, na nodra mataqali na luve i Kerisoni: maivei Koaca, na nodra mataqali na luve i Koaca: maivei Mirari, na nodra mataqali na luve i Mirari. 58O ira oqo na veimataqali i Livai: na nodra mataqali na luve i Lipini, na nodra mataqali na luve i Epironi, na nodra mataqali na luve i Mali, na nodra mataqali na luve i Musi, na nodra mataqali na luve i Koraca. A sa sucu ko Amirami na luve i Koaca: 59ia na yaca ni wati i Amirami ko Jokapeti, na luve i Livai ka yalewa, o koya ka sucu mai Ijipita: a sa vakasucumi Eroni kei Mosese kei Miriama na ganedrau, na luve i Amirami. 60A sa sucu na luve i Eroni ko Netapi, kei Epaiu, kei Eliesa, kei Icama: 61a rau sa mate ko Netapi kei Epaiu, ni rau a cabora na bukawaqa tani e na mata i Jiova. 62Ia ko ira era wili vei ira sa le rua na oba ka tolu na udolu, era tagane kecega sa vula dua ka levu cake: ni ra sa sega ni wili vata kei ira na Isireli, ni sa sega ni votai vei ira nai votavota kei ira na Isireli.

63Sa wiliki ira oqo ko Mosese kei Eliesa na bete, koi rau ka wiliki ira na Isireli mai na vanua cecelevu mai Moapi, sa voleka ki na Joritani, ka donui Jeriko. 64Ia sa sega e dua na tamata vei ira oqo erau a wilika ko Mosese kei Eroni na bete, ni rau a wiliki ira na Isireli mai na lekutu loaloa mai Saineai: 65Ni sa kaya e na vukudra ko Jiova, Era na mate vakaidina e na vanua liwa. A sa sega ni vo e dua na tamata vei ira, ko Kelepi ga na luve i Jifune, kei Josua na luve i Nuni.

Vakavakadewa Makawa

©1974 Bible Society of the South Pacific

More Info | Version Index