Search form

NAMBAR 2

Panam tinhai riakbuk khuar dân

1Rengpa’n Mosia le Arona a chongpuihaia, 2“Israel mihaiin riakbuk an siam tika chu, mi tinin mâni pâl irsinsiana le mâni panam puanzâr târ an ti. 3Nisua tianga Juda panam irsinsiana hnuaia a pâl pâla puanzâr hranga an hruaituhai chu hihai hi an ni. Aminadaba nâipa Nasona ni a ti. 4A pâlhai tam lam chu sîngsari le sângminli irzaruk an ni. 5Khan ama zoia puan in zârtu hrang chu Isakara irchia mi ni a ti. 6Isakara irchihai hruaitu chu Zuara nâipa Nethanela ni a ti, an tam lam chu sîngringa sângminli le irzaminli an ni. 7Zebulun irchihai hruaitu hrang chu Helona nâipa Eliaba mi chu 8an tam lam chu sîngringa sângsari le irzaminli an ni. 9An pâl tam dân angin Juda mi an itephai chu nuaikhat sîngriat sângruk le irzaminli an ni. Annihai hin an ihruaihai mai hrang a ni. 10An pâl tam dân izir angin sim tiang panga khan Reubena hai leh om an ta; Reubena irchihai hruaitu hrang chu Sedeura nâipa Elisura ni a ti. 11An tam dân chu sîngminli sângruk le irzaringa an ni. 12Khan anni zoia zâr hranghai chu Simeona irchihai ni an ta, Simeona irchihai hruaitu hrang chu Zurisadaia nâipa Selumiela ni a ti. 13An tam lam dân chu sîngringa sângkuak le irzathum an ni. 14Khan, Gada irchihai chu an hruaitu hrangin Reuela nâipa Eliasapha ni a ta; 15an tam lam chu sîngminli sângringa irzaruk le sômringa an ni. 16Reubena mihai tam dân chu nuaikhat sîngringa sângkhat irzaminli le sômringa an ni. Annihai hi a dôntea suak hrang chu an ni. 17Khanchu irtongna puan in kha suaksan an ta, Levi irchihai chu a laia om an ta; an omhmun izir angin a pa pâlin fe an ti. 18An tam dân izir angin nitâk tiang panga khan Efraimahai om an ta, an hruaitu chu Amihuda nâipa Elisama ni a ti. 19An tam lam chu sîngminli irzaringa an ni. 20Anni zoia chu Manasea hai ni an ti, 21Manasea hai hruaitu hrang chu Pedazura nâipa Gamaliela ni a ti; an tam lam chu sîngthum sânghni le irzahni an ni. 22Anni zoia chu Benjamina irchihai, an hruaitu hrang chu Gideonia nâipa Abidana ni a ti. 23An tam dân chu sîngthum sângringa le irzaminli an ni. 24Efraima mi tam lam chu nuaikhat sângriat irzakhat an ni. Anni hi a dônte’n an isuak hrang a ni.

25“An pâl tam dân angin Dan mihai chu hmâr tiang khan om an ta, Dan irchihai hruaitu hrang chu Amisadaia nâipa Ahiezera ni a ti. 26An tam lam chu sîngruk sânghni le irzasari an ni. 27Anni zoia puan in zâr hranghai chu Asera irchihai ni an ti. Asera irchihai hruaitu chu Okrana nâipa Pagiela ni a ti. 28An pâl tam lam chu sîngminli sângkhat le irzaringa an ni. 29Anni zoia hrang chu Naftalia irchi hai; an hruaitu hrang chu Enana nâipa Ahira ni a ti. 30An tam lam chu sîngringa sângthum le irzaminli an ni. 31Dan mihai tam lam chu nuaikhat sîngringa sângsari le irzaruk an ni. Khan annihai hin a pa pâla suakin an ife irzôt chit hrang a ni,” tiin.

32Hihai hi Israel irchihai insûngkua tina mi, an itephai chu an ni, an rêngin nuairuk sângthum irzaringa le sômringa an ni. 33Khannisian, Levi irchihai kha chu Rengpa’n Mosia thu a ipêk angin, Israel irchihai laia khan tep sa ni mahai. 34Rengpa’n Mosia thu a ipêk ang khan Israel irchihaiin a pa pâla puanzâra, a panam ang dungzuiin a pa pâlin an suak ngai a ni.