Search form

NAMBAR 7

Biakbuk inhlanna thu

1Khanchu Mosia khan Biakbuk kha an dingtir zoiin chu, Biakbuk le a neinunhai chu maichâm le neinun danghai kha hriak a nâla, a’rthiangtirhai ni khan. 2Israel panam laia hruaitu, irtepna sinthoa hruaituhai ngêt khan, 3Rengpa kuang an thilinhlanhai an hong chôia; tâli kiruk, hruaitu inhniin tâli, a chung om inkhat le sehrâtchal sômhleihni, hruaitu murdi’n inkha khat an inhlana, an inhlan zoiin chu, 4Rengpa’n Mosia a chongpuia, 5a kuang, “Hi thilpêkhai hi Biakbuk sinna hrangin lei pom pehai ro, Levi irchihai kuang, an sintum chit pehai ving ro,” a ti pea. 6Khanchu Mosia’n, tâli le sehrâtchalhai kha a lâka, Levi irchihai kuang a pêkhai tâka. 7Gersona irchihai kuang tâli inhni le sehrâtchal minli a pêkhaia. 8Meraria irchihai kuang tâli minli le sehrâtchal kiriat a pêkhaia, khanchu sin murdi kha Arona nâipa Ithamara enkolna hnuaia tho ni a ti. 9Khannisian Kohatha irchihai kha chu Mosia’n pehai ma, an sintum chu thil irthiang an dârsuama irzôn kha a ni sikin. 10Khan hruaituhai khom khan maichâm inhlan irthianga a om nî khan, thilinhlanhai an hong chôia; khanchu an thilpêkhai kha maichâma khan an siaa. 11Rengpa’n Mosia kuang, “Sûn sôm hleihni sûng chu hruaituhai khan a nî tin an laia inkhatin thilpêkhai chu maichâm inhlanna hrangin an inhlan hrang a ni,” a tia.

12Sûn khat nia thilinhlan hrangtu chu Juda irchia mi Aminadaba nâipa Nasona a ni; 13a thilinhlan chu sumtak khêng khat, a rik lam chu sekel irzakhat sômthum, hmun irthianga sekel sômsari irangpui anga rik tâbor bôm khat fâk thei thilinhlan hranga hriak pol sai baidi sip khak khak; 14sekel sômkhat anga rik, mirimhoia sip rângachak khethûk inkhat; 15pum hâlirvôm thilinhlan hranga sehrâtchal tuai inkhat, belrachal inkhat, belrate a chal kum khat mi inkhat; 16sual irbôlna hranga kêlchal inkhat; 17khanchu irngeina irbôlna hranga thilinhlan sehrâtchal inhni, belrachal ringa, kêlchal ringa, belrate inhni, belrachal ringa, kêlchal ringa, belrate a chal kum khata mi ringa, hi hi Aminadaba nâipa Nasona thilinhlanhai chu a ni. 18A sûn inhni sûng chu Isakara hai hruaitu Zuara nâipa Nethanela’n an hlana; 19a thilinhlan hrang chu sumtak khêng khat, a rik lam chu sekel irzakhat sômthum, hmun irthianga sekel sômsari irangpuia rik sumtak tom khat, fâk thei thilinhlan hrang hriak pol sai baidi sip mat mat ni a ti. 20Sekel sômkhat dôra rik mirimhoia sip rângachak khethûk khat, 21pum hâlirvôm thilinhlan hrangin sehrâtchal tuai inkhat, belrachal inkhat, belrate a chal kum khat mi inkhat; 22sual irbôlna hrangin kêlchal inkhat; 23irngeina irbôlna thilinhlan hrangin sehrâtchal inhni, belrachal ringa, kêlchal ringa, belrate a chal kum khata mi ringa an hlana. Hihai hi Zuara nâipa Nethanela thilinhlanhai chu a ni.

24Khan sûn thum ni chu Zebulun irchia hruaitu Helona nâipa Eliaba’n an hlana; 25a thil inhlan chu sumtak khêng khat, a rik lam chu sekel irzakhat sômthum, hmun irthianga sekel sômsari irangpui dôra rik sumtak tom khat, fâk thei thilinhlan hriak pol sai baidi sip mamat ni sa a ti. 26Sekel sômkhat dôra rik mirimhoia sip rângachak khethûk khat; 27pum hâlirvôm thilinhlan hrangin sehrâtchal tuai inkhat, belrachal inkhat, bêlrate a chal kum khata mi inkhat; 28sual irbôlna hrang kêlchal inkhat; 29irngeina irbôlna hranga thilinhlan, sehrâtchal inhni, belrachal ringa, belrate a chal kum khata mi ringa a ni. Hi hi Helona nâipa Eliaba thilinhlanhai chu an ni. 30Sûn minli ni chu Reubena irchia hruaitu Sedeura nâipa Elizura’n an hlana. 31A thil inhlan chu sumtak khêng khat, a rik lam chu sekel irzakhat sômthum, hmun irthianga sekel sômsari irangpui tâbor inkhat, fâk thei thilinhlan hranga hriak pol sai baidi sip mamat ni a ti.

32Sekel sôm irangpuia rik mirimhoia sip rângachak khethûk khat; 33pum hâlirvôm thil inhlan hrangin sehrâtchal tuai inkhat, belrachal inkhat, belrate a chal kum khata mi inkhat. 34Sual irbôlna hrangin kêlchal inkhat, irngeina irbôlna hrangin sehrâtchal inhni; 35belrachal ringa, kêlchal ringa, belrate a chal kum khat mi ringa a ni. Hi hi Sedeura nâipa Elizura thilinhlanhai chu a ni. 36Sûn ringa nî chu Simeona irchi Zurisadaia nâipa Selumiela’n an hlana; 37a thil inhlanhai chu tangkarua khêng khat, hmun irthianga sekel sômsari irangpuia rik, tâbor inkhat hriak pol sai baidi sip ni a ti. 38Sekel sômkhata rik mirimhoia sip rângachak khethûk khat; 39pum hâlirvôm thil inhlanna hrangin sehrâtchal tuai inkhat, belrachal inkhat, belrate kum khata mi inkhat; 40sual irbôlna hranga kêlchal inkhat; 41irngeina irbôlna hranga thilinhlan sehrâtchal inhni, belrachal ringa, belrate a chal kum khata mi ringa a ni. Hi hi Zurisadaia nâipa Selumiela thilinhlanhai chu an ni. 42Sûn ruk nia chu Gada irchia an hruaitu Deuela nâipa Eliasafa’n an hlana. 43A thil inhlan chu tangkarua tâbor inkhat, a rik lam chu sekel irzakhat sômthum, hmun irthianga sekel sômsari irangpui sumtak tom khat, fâk thei thilinhlan hranga hriak pol sai baidi sip ni a ti. 44Sekel sôm irangpuia rik mirimhoia sip rângachak khethûk khat; 45pum hâlirvôm thilinhlan hrangin sehrâtchal tuai inkhat, belrachal inkhat, belrate a chal kum khat mi inkhat; 46sual irbôlna inhlan hrangin kêlchal inkhat, 47irngeina irbôlna hrangin sehrâtchal tuai inhni belrachal ringa, kêlchal ringa, belrate a chal kum khata mi ringa an ni. Hi hi Deuela nâipa Eliasafa thilinhlan chu a ni. 48Sûn sari nî chu Efraima irchihai hruaitu Amihuda nâipa Eliasama’n an hlana; 49a thil inhlan chu tangkarua tâbor inkhat, a rik lam chu sekel irzakhat sômthum, hmun irthiang sekel sômsari dôra rik tangkarua tâbor khat, fâk thei thilinhlan hranga hriak pol sai baidi sip ving ni a ti. 50Sekel sôm irangpuia rik mirimhoia sip rângachak khethûk khat; 51pum hâlirvôm thilinhlan hrangin sehrâtchal tuai inkhat, belrachal inkhat, belrate kum khat mi inkhat 52sual irbôlna hrangin kêlchal inkhat; 53irngeina irbôlna hrangin sehrâtchal inhni, belrachal ringa, kêlchal ringa, belrate a chal kum khat mi ringa a ni. 54Sûn riat nî chu Manasea irchia an hruaitu Pedazura nâipa Gamaliela kha an inthanga; 55a thilinhlanhai chu sumtak khêng khat, a rik lam chu sekel irzakhat sômthum, hmun irthianga sekel sômsari irangpuia rik sumtak tom khat, fâk thei thilinhlan hranga hriak pol sai baidia sip ni a ti. 56Sekel sôm irangpuia rik mirimhoia sip rângachak khethûk khat; 57pum hâlirvôm thilinhlan sehrâtchal tuai inkhat belrachal inkhat, belrate a chal kum khat mi inkhat; 58sual irbôlna hranga kêlchal inkhat; 59irngeina irbôlna hranga thilinhlan sehrâtchal inhni, belrachal ringa, kêlchal ringa, belrate a chal ringa a ni. Hi hi Pedazura nâipa Gamaliela thilinhlan chu a ni. 60Sûn kuak ni chu Benjamina irchia Gideona nâipa Abidana’n a inhlan a ni. 61A thil inhlanhai chu sumtak khêng khat, a rik lam chu sekel irzakhat sômthum, sumtak sekel sômsari irangpui tom khat, fâk thei thilinhlan hriak pol sai baidia sip ni a ti. 62Sekel sôm irangpuia rik mirimhoia sip rângachak khethûk khat; 63pum hâlirvôm thilinhlan hrangin sehrâtchal tuai inkhat, belrachal inkhat, belrate a chal kum khata mi inkhat. 64Sual irbôlna hrangin kêlchal inkhat; 65irngeina sual irbôlna hrangin sehrâtchal inhni, belrachal ringa, kêlchal ringa, belrate a chal kum khat mi ringa a ni. Hi hi Gideona nâipa Abidana thilinhlan chu a ni.

66Sûn sôm nî chu Dan irchia mi Amisadaia nâipa Ahiezera’n an hlana; 67a thil inhlan chu tangkarua khêng khat, a rik lam chu sekel irzakhat sômthum, hmun irthiang sekel sômsari irangpuia rik tangkarua tâbor khat, fâk thei thilinhlan hriak pol sai baidia sip ni a ti. 68Sekel sôm irangpuia rik mirimhoia sip rângachak khethûk khat, 69pum hâlirvôm thilinhlan hrang sehrâtchal tuai inkhat, belrachal inkhat, belrate kum khat mi inkhat, 70sual irbôlna hrangin kêlchal inkhat. 71Irngeina irbôlna hrangin sehrâtchal inhni, belrachal ringa, kêlchal ringa, belrate a chal ringa a ni. Hihai hi Amisadaia nâipa Ahiezera thilinhlan chu a ni. 72Sûn sômhleikhat nia chu Asera irchia hruaitu Okrana nâipa Pagiela’n an hlana, 73a thil inhlan chu tangkarua khêng khat, a rik lam chu sekel irzakhat sômthum, hmun irthianga sekel sômsari irangpui tangkarua tâbor khat, fâk thei thilinhlan hriak pol sai baidia sip a ni. 74Sekel sôm irangpuia rik rângachaka khethûk khat; 75pum hâlirvôm thilinhlanna sehrâtchal tuai inkhat, belrachal inkhat, belrate a chal kum khat mi inkhat; 76sual irbôlna hrangin kêlchal inkhat; 77irngeina thil irbôlna hranga inhlan chu sehrâtchal inhni, belrachal ringa, belrate ringa kêlchal ringa a ni. Hi hi Okrana nâipa Pagiela thilinhlan chu a ni. 78Sûn sômhleihni nia chu Naftalia irchia hruaitu Enana nâipa Ahira’n an hlana. 79A thil inhlanhai chu tangkarua khêng khat, a rik lam chu sekel irzakhat sômthum, hmun irthianga sekel sômsari irangpuia rik tangkarua tâbor khat, fâk thei thilinhlana hriak pol sai baidia sip ni a ti. 80Sekel sôm irangpuia rik mirimhoia sip rângachak khethûk khat; 81pum hâlirvôm thilinhlan hrangin sehrâtchal tuai inkhat, belrachal inkhat, belrate kum khat mi a chal inkhat; 82sual irbôlna hrangin kêlchal inkhat; 83irngeina irbôlna hrangin sehrâtchal inhni, belrachal ringa, kêlchal ringa, belrate a chal ringa a ni. Hi hi Enana nâipa Ahira thilinhlanhai chu a ni.

84Khanchu maichâm sahriak nâl nia Israel hruaitu thilinhlanhai chu tangkarua khêng sômhleihni, tangkarua leh irpol tom sômhleihni, rângachak khethûk sômhleihni; 85tangkarua khênghai chu sekel irzakhat le sômthum irangpuia rik inzen a ni; tangkarua bêlbûrhai chu hmun irthianga sekel sânghni le irzaminli irangpuia rik a ni. 86Mirimhoia sip rângachak khethûk sômhleihni chu hmun irthianga sekel sôm irangpuia rik inzen an ni; rângachak khethûk murdi chu sekel irzakhat le sômhni irangpuia rik a ni. 87Pum hâlirvôm thilinhlan hrang sehrâtchal murdi chu sômhleihni an ni; belrachal sômhleihni, belrate a chal sômhleihni, fâk thei thil inhlan le; khan sual irbôlna hrangin kêlchal sômhleihni. 88Irngeina irbôlna hrangin sehrâtchal sômhni minli, belrachal sômruk, kêlchal sômruk le belrate a chal kum khat mi sômruk an ni. Hi hi hriak nâl hnunga maichâma inhlan zoia thilinhlanhai chu a ni. 89Khanchu irtongna puan ina, ama biak hrangin Mosia kha a lûtin chu, Thuthung Bôm chunga za’rngaina toihmun chung tiang cherub inhnihai kâr taka irthokin ama hong chongpuiin irhâi hi an hriata, irhâi khan a chongpui tâka.