Search form

Pemansut 4:25-26

25-26Tang bini iya Sipora lalu ngambi siti batu ti tajam, netak kulit ujung butuh anak lelaki iya, lalu negu kaki Moses ngena batu nya. Laban pengawa nya pengawa betutus, nya alai iya nyebut ngagai Moses, “Ngena darah tu aku ngaku nuan nyadika laki aku.” Nya alai TUHAN enda nyadi munuh Moses.

27Lebuh maya nya mega, TUHAN bejaku ngagai Aron, “Alai nuan mansang ngagai menua puang lalu betemu enggau Moses.” Aron lalu mupuk deka betemu enggau Moses ba bukit ti kudus. Lebuh iya betemu enggau Moses, iya nyium Moses.

Bup Kudus

Hakcipta © 2011, The Bible Society of Malaysia

Copyright © 2011, The Bible Society of Malaysia

More Info | Version Index