Search form

Jolebi 15

Gikame Cwer ki Kom Dano kame mie Epwokere

1Rwot oko mino Musa kede Aaron iswilia 2amako jo me Isirael kaman: Ka icuo moro tut cwer ki kome me cuo, udo en edoko dano kopwokere, 3bed bala tut nono tie meede mol amoto ejiko mol. 4Kabuto dedede kame dano nono buto iye kede gi dedede kame en ebedo iye doko gikopwokere. 5Ngat kame mulo kabuto ka dano nono, 6arabo kame bedo i gikame en ebedo iye poore lwoko igoen mege di eko bol, di eko bino dong di en dano kopwokere tuno piny yuto. 7Ngat kame mulo dano kame tut mol ki kome poore lwoko igoen mege di eko bol, di eko bino dong di en dano kopwokere tuno piny yuto. 8Ka dano kame tut mol ki kome nono ongule i kom dano moro kame li kede pwokere, dano kame kongulo lau i kome nono poore lwoko igoen mege di eko bol, di eko bino dong di en dano kopwokere tuno piny yuto. 9Abeno kame dano atie kede tut amol obedo iye tie gikopwokere. 10Dano kame mulo gikame en ebedo iye bedo dano kopwokere tuno piny yuto, doko da dano kame yeo akodi gi nono poore lwoko igoen mege di eko bol, di eko bino dong di en dano kopwokere tuno piny yuto. 11Jo dedede kame dano kame tut mol ki kome omulo di likame elwoko cinge poore lwoko igoen gi, di kiko bol, di kiko bino dong di gin jo kopwokere tuno piny yuto. 12Agulu kame dano kame tut mol ki kome omulo kopoore neko; do ka emulo gimoro kobedo yat kame kopao, kopoore lwoko gi nono.

13Ka icuo kame tut mol ki kome oko cango, en epoore maro ceng kanyaare pi lonyere mere, di eko lwoko igoen mege di eko bol kede pii me atan amol, di en eko bino doko dano kotieko lonyere. 14I ceng me kanyauni en ebino tero amam are arabo ilukei are but ngasaseredoti i ekeko me Eema me ariamakin kede Rwot. 15Ngasaseredoti bino yalo gi; acel bino bedo giayala me kwanyo dub kede ocelu ko bedo giayala awanga. Epone noni en kame ngasaseredoti bino timo kede pwola me lonyo icuo kame tut mol ne.

16Ka kwir me icuo oony, epoore lwoko kome dedede di eko dong di en dano kopwokere tuno piny yuto. 17Gi dedede kame kocweo kede egoe amoto lau me le, di kwir me icuo oko ony iye, kopoore lwoke kede pii di gi nono ko dong di etie gikopwokere tuno piny yuto. 18Ka icuo obuto kede dako di icuo oko onyo ne kwir, gin dedede kipoore bol di kiko dong jo kopwokere tuno piny yuto.

19Ka dako tie onyo remo me tuwo duwe, en ebino bedo dano kopwokere pi ceng kanyaare, doko da dano kame mule bino bedo ngat kopwokere tuno piny yuto. 20Gi dedede kame en ebuto iye amoto ebedo iye i kare kame en etie kede tuwo duwe bino bedo gikopwokere. 21Ngat kame mulo kabuto mere poore lwoko igoen mege di eko bol, di eko dong di en dano kopwokere tuno piny yuto. 22-23Ngat kame mulo kabuto ka dako nono, arabo gimoroni kame en ebedo iye poore lwoko igoen mege, di eko bol, di eko dong di en dano kopwokere tuno piny yuto. 24Ka icuo moro oko buto kede dako nono i kare kame etie kede tuwo duwe, icuo nono bino doko dano kopwokere di eko dong di epwokere kamanono pi ceng kanyaare.

25Ka dako obedo tie kede ony me remo do weko i kare me tuwo duwe, arabo ka remo omeede ony ne kalamo ceng mege me tuwo duwe, en ebino dong di en dano kopwokere i ceng dedede kame remo tie ony ne kede, bala kame etie kede i kare mere me tuwo duwe. 26Kabuto moroni kame dako nono bino buto iye, arabo gimoroni kame en ebino bedo iye bino bedo gikopwokere, bala kame etie kede i kare mere me tuwo duwe. 27Ngat kame bino mulo gi nogo bino doko dano kopwokere; en epoore lwoko igoen mege di eko bol, di eko bino dong di en dano kopwokere tuno piny yuto. 28Ka ony me remo mere ocungo, en epoore kuro pi ceng kanyaare, di do en eko doko dano kame li kede pwokere. 29I ceng me kanyauni dako nono bino tero amam are arabo ilukei are but ngasaseredoti i ekeko me Eema me ariamakin kede Rwot. 30Ngasaseredoti bino yalo gi; acel bino bedo giayala me kwanyo dub kede ocelu ko bedo giayala awanga. Epone noni en kame ngasaseredoti bino timo kede pwola me lonyo dako kame tie kede pwokere pi ony me remo.

31Rwot oko waco ne Musa kede Aaron pi kwenyaro jo me Isirael pi kwanyo tenge pwokere kame kitie kede, tetekeny kur kimunao Eema me ariamakin kede en, kame tie i diere gi. Aso ka gin kiko munao en, kobino neko gi.

32Magonogi obedo pwola kame mako icuo kame tut mol ki kome me cuo, arabo kame kwir mere me cuo oony, 33dako kame tie kede tuwo duwe, arabo icuo kame buto kede dako kopwokere.

Baibuli I Leb Kumam

© 2013 Bible Society of Uganda

More Info | Version Index