Search form

Wel int

KOP KAME NYUTO

Itabu me Wel mio itatam i kom jo me Isirael pi mwakini aromo bala ot ongwon, cako i kare kame kiyai kede ki moru me Sinai tuno i kare kame kituno kede i bad tetu kide me lobo kame Rubanga oudo ocikere pi mino gi. Nying itabu noni nyuto gikame ngere twatwal i itatam noni, en maro wel me jo me Isirael kame Musa bin otimo i moru me Sinai di pwodi likame kiyai, kede da bobo i Moab, i bad tetu kide me Yorodan, di en emaro lwak kolubo maconoca. I kare katie i dierediere me maro wel me jo kotimere tien are nogo, jo me Isirael oko ot Kades Barenea kame tie i ikor me Kanan ki bad tetu piny, do likame kiko twero donyo ki kanono i lobo kame Rubanga oudo ocikere pi mino gi. Ingei tieko mwakini atot kanono, gin kiko ot i adul kame tie i bad tetu kide me ecilet me Yorodan, kakame jo mogo oko dong bedo iye, di apat mege oko iikere pi ngolo ecilet me Yorodan donyo Kanan.

Itabu me Wel obedo itatam i kom jo kame oudo cuny gi maro kwanyere di kiko bedo kede lworo ka kiriamo kede peko moro, di kiko lunyo jemo ne Rubanga kede Musa, en ngat kame Rubanga oudo oyero pi telo gi. En ebedo itatam me genere ka Rubanga but jo mege, kede epone kame en ebedo gwoko gi kede nakanaka, bed bala gin oudo kitie kede goro, doko di likame kilubo kop mere. Itatam noni da nyuto epone kame Musa oudo ocungo kede di etek abongo yangere i tic mere ne Rubanga kede ne jo mege, bed bala esawa mogo oudo likame etwero dire.

Wi Kope kame tie i Itabu noni

Jo me Isirael oikere pi yai ki moru me Sinai 1.1—9.23

a. Maro jo tien me agege 1.1—4.49

b. Iswilia kede cik apapat 5.1—8.26

c. Ebaga me Kalamo me are 9.1-23

Yai ki Moru me Sinai ot tuno Moab 10.1—21.35

Gikame otimere Moab 22:1—32:42

Wie wie me sapali me yai ki Misiri tuno Moab 33.1-49

Pwony but jo di pwodi likame kingolo ecilet me Yorodan 33.50—36.13

Baibuli I Leb Kumam

© 2013 Bible Society of Uganda

More Info | Version Index