Search form

1 Yone int

Solo Puwano Matanema:na:wa Wekeye

Sawi we matanema:na:wa mouwa elipei elakeye. Amowa Keleso sena kesalewa Ata Kotewalapulu apula: esa: Yesu Kelesowemi himu semetei esa: iwa seselakeye. Aputa:, eye matanawa iwa yopolotela mane olokeyaletela mane timinisene amoke sutuse Kotewa iya:pela: ha:na:pikitise ili amowa, yopolotela sena kesalekeye. Iye selese, “Nano ketea peleya: weye elakamowa, amowa napolo keteamakeye. Apula:, Yesuwa Kote Ene E Sa:keye. Alanase, Ewa heneye sena matepesakeye. Apula:, nano peleya: weyamo mane amokiwa mapapesakeye. Nini peleya: sena niye timinisene weyamo matiminipesakeye. Heneye mane apula: mane nowamo matanesene amowa peleya: weyamo nekeye. Alanase, niyawa mane amowa kulu hanapa,” iyewi au selesekeye.

Yone eye ela: matanawa Keleso sena kesaleyawa kena:wa emiwa ta:tapa. Eye selese, “Yesu Ewa heneye sena hetetikeye. Apula: sena kesale iwa Ewemi seli topuwa tuwapola: apula: iwa seli Kotewa heneye sosolo matanepa:. Apula: sena kesale ili noka heneye sosolo matanepa:,” e seyakeye.

1 Yone Pukawemi Solo Mou Takalese Momateyawa Wekeye

1:1-4 Sawi momateya we Yoneyewi mouwa matanema:na:pela: momateyalo.

1:5-2:29 Ho:liya mouwa Koteo. Senawa ho:liya sulu emi ha:na: ela: Yesu ene ketea napolo auma:na: sopolo kulu hanaposapo. Aputa:, ketea olokeyatela elepela: matanawa maelaposapo. Ho:liyawala yopiyawala elipe semetei maelaposapo.

3:1-24 Koteyewi E sa:ma nimawa himu sulu fa:nemi matana ela:, napolo ili timiyano. Aputa:, Setenewa kuluse sena kesalema olokeyatelawa timiyanapo.

4:1-6 Senayewi selesaleko seli ta:tapola: matane tiyapola:, solo amowa Kote solo selapele? O Setene solo selapele? Aluse, mouwa takale tiye matane tiyapa:.

4:7-5:4 Nowamoke himu sulu fa:nemi matanema:na: mouwa Kote elapo. Alanase, Kote E sa:yewi nima himu sulu fa:nemi matana hanosaleko, ililapo.

5:5-21 Koteyewi E Sa:le Ewamo hokatolose seyakeye. Niyawa matanepe. Niwa kokolo kao tesene sitalaposakeye.

Kokolo Kao Tesene Solo

© Wycliffe Bible Translators, Inc. All rights reserved.

More Info | Version Index