Search form

2 Tesalonaika int

Solo Puwano Matanema:na:wa Wekeye

Tesalonaika taune Kelesowemi sena kesale iyawa sosolo matanese Yesuwa mene mina:na: ikila emiwa ko:lu timinipesape? Nokamoke selese, sosolo mina:na: ikila amowa enape itapakeye. Aputa: potapola:, Polewa apula: Sailasewala apula: Timotiwala iyewi ili matanawa helika:tese sawi we emi momateyakeye.

Poleyawa selese, Ikila amowa seta: fiyatelamakeye. Puwano sena kesalewa heneye tikapeye tiye sosolo tepela: mane olokeyaletelawa kalikalilawa ilima penaiya tepesakeye. Aputa:, sena semetei nowa ele tuwapo hotiyetima:na:wa inaposakeye. Amowa Yesu Ewalapulu heneye E kisikeye. Poleyawa sena kesale ima selese, “Kili seli topuwa penano tiyapola: aputa: hilila ikila inisaleke, iya:tapa, ka tiya:pa:.” Iyewi ela: iwa i mene penaiya tima:na: tiyapola: epesita: ene ewamo tela amopela: aputa: elipe tima:na: tisene sena amuna kiyawa mapolose tima:na: tiyapa. Aputa:, kiyawa nokamo sesewapa:na:wa mapolopa.

2 Tesalonaika Pukawemi Solo Mou Takalese Momateyawa Wekeye

1:1-2 Poleyewi sawi we mouwa takalese momateyalo.

1:3-12 Seli enewa hilila inisaleko, talapo elatepiyo. Olokeyaleye tisaleko, sena sikapowa falasipesapo.

2:1-17 Yesuwemi eta: kulu minama sena heneye olokeyatelawa puwano inaposapo.

3:1-15 Kiyawa ketea timinise seli napolo sopolo timinipiyo.

3:16-18 Poleyewi epama esa: momateyalo.

Kokolo Kao Tesene Solo

© Wycliffe Bible Translators, Inc. All rights reserved.

More Info | Version Index