Search form

Kolosi int

Solo Puwano Matanema:na:wa Wekeye

Esia peleya:wemi Kolosi taunewa emi elakeye. Amowa Efesese taunewa pawemi maelakeye. Kolosi taune kulukulu koawa Poleyewi eta: tima, alawamona Pole ewa Efesesewemi ela: senala: noka Kote tima:na: tisene iwa noka peleya: nokemi misini tima:na: timita: ilikepiya amoke Kolosiwemiwana hapalapokeye.

Apula: Poleye ta:takamake sena nokamoke Kolosi ili seli topuwa nana:na:pekeye, ela topu. Alake, eyewi sawiwa ili seli topuwamo penana:tese momate tiye ima ilikepiyakeye. Eye selese, “Kelesowa nano ketea sopolo weyamo Piseikiwa Ekeye. Keleso semeteiye ela: niwa mene siliyaposa, isu pa:ta: nowemiwa masesepesakeye.” Iyawa niwa Kelesowemiwa pama siliye hanaposakeye. Apula: Kelesowemi Koteye peleya: nano ketea sopolo Ewemi tese timinitiye hetetikeye. Apula:, Yesu Keleso tima:na: tiwemi ela:, Koteyewi nano ketea sopolo we mene siliyaposakeye. Kelesowa nini himu sulu fa:nemi elakeye. Alanase, niwemiwa sena kesale hili hetetikeye. Apula: Keleso ene E manewamo kulu hanakeye.

Poleye sawi amowa momate tiye sena elipei nowama tiye mikeye. Apula:, sawi amowa a:te tiye Kolosi kulukulu koane tiye hapakeye. Sena akewa ewa Tikikase. Sena ateka ewa Onisimase, sena amawa Poleye solo kataloka:peyawa sawi momate tiye Filimonema ilikepiyakeye.

Kolosi Pukawemi Solo Mou Takalese Momateyawa Wekeye

1:1-2 Sawi we Poleyewi mouwa popita: momateya.

1:3-14 Poleyewi Kotema napolo esa:, aluse Kolosi sena kesalepela: kulukuluma:na:keye.

1:15-23 Kelesowemi puwanopela: piseikipela: elatepiyo.

1:24-2:5 Kelesowemi pala sena kesalema asuwapota: Polewa Koteyewi ta:peyalo.

2:6-3:4 Senayewi mokopo solo kinisaleko ta:tapowo. Alusaleko, Yesu Kelesoyewi himu semetei semetei esa: matane tiyapola: elatepiyo.

3:5-17 Nano ketea olokeyatelawa nasolo tiye iya:pela:, nano ketea noka napowa kulu ha:na:piyo.

3:18-4:1 Seli topu sena kesalema auma:na: e sepapolo.

4:2-18 Poleyewi epama e seyakeye.

Kokolo Kao Tesene Solo

© Wycliffe Bible Translators, Inc. All rights reserved.

More Info | Version Index