Search form

Filipai int

Solo Puwano Matanema:na:wa Wekeye

Polewa makene hanose Masetonia peleya: emi Filipai taunewemi, sena kesaleyewi Yesuwa matanemita: se tiye kinapita: sena kesale mutayewi topukeye. Filipai taunewemi Kelesowemi pala sena sita:neyewi Polewa himu hanose matanese, Polewa seselese moweni mikeye.

Sikape Polewa Lome sitiwemi tipolo selawapola: enewemi, Filipai senayewi moweni kekene tiye Polewa mita: Epafalotaetasema kinise tiye hamona seyakeye. Poleyewi Filipai sena kesalema napolo esa: sawi weyamowa momateyakeye. Poleyewi momate tiye Epafalotaetasema kinapita: eyawa tiye hapakeye.

Filipai Pukawemi Solo Mou Takalese Momateyawa Wekeye

1:1-2 Poleyewi puka we ma:ta: tiye momateyakeye.

1:3-11 Poleyewi iwa matanese Kotema napolo esa:, iwamopelekiwa kakasilise kulukululakeye.

1:12-30 Polewa tipolo ela: matanese, “Newa kulusaleke Yesuwalapulu kao epesena:keye. Newa falela apota: ela: Yesuyewi tima:na: tisewa kao tiya:sela: epesena:keye,” esa: matanakeye.

2:1-11 Yesuwa peleya: weyemi ela: Eyewi Ene ewamo solose eta: timakeye. Kiyawala epapuluse matanepela: sita:latipa:, au seyakeye.

2:12-18 Kiwa Kelesowemi pala sena kesale peleya: weyemi sita:la:, kiyawa ho:liya napowa walopa:, au seyakeye.

2:19-30 Kiwa sitalakemi Timotiwala Epafalotaetasewala hamonama:na:keye.

3:1-11 Mokopo walosene senayewi selapitekiwa, kiyawa ta:tapa.

3:12-21 Kelesoyewi sowa kulu hanose mouwemi kutetima:na:pela: kao tiya:sela: sita:latipa:.

4:1-9 Ketea solo noka kiyewi ta:tapola: matanepela: sita:latipa:.

4:10-20 Filipai sena kesaleyewi Polewa moweni kinapita:, Poleyewi napolo seyakeye.

4:21-23 Poleyewi epama seyakeye.

Kokolo Kao Tesene Solo

© Wycliffe Bible Translators, Inc. All rights reserved.

More Info | Version Index