Search form

Isiya ma 2

Eya ne swaga katɗa ge pehir ge Israyela vya ma ne ma pe

1Bage ɗiŋnedin jan Musa ma ne Aaron go: 2«Israyela vya ma ne bama hir ma go a mbo kote katɗa gwa ne bama naa ge mbal pore ma, ndu ge daage piripiri ge na pehir ne pe se. A mbo kat uziya nde ne gúr swaga ɓol ta, a ver na se.

3Yuda vya ma ne bama naa ge mbal pore ma, a mbo kote katɗa le ge ham ge go bama piripiri pe se. Ga̰l ge Yuda vya ma ne, a Nason ge Amminadab vya. 4Na naa ge mbal pore ma isiya ɗu ne ɗu, naa 74 600 (dudubu wara ɓyalar para anda para kikis myanaŋgal). 5Pehir ge Isakar ne mbo kat nama ziyar go. Ga̰l ge Isakar vya ma ne, a Netaneel ge Suhar vya. 6Na naa ge mbal pore ma isiya ɗu ne ɗu, naa 54 400 (dudubu wara anuwa̰y para anda para kikis anda). 7Poseya ne pehir ge Zabulon ne, ga̰l ge Zabulon vya ma ne, a Eliyab ge Helon vya. 8Na naa ge mbal pore ma isiya ɗu ne ɗu, naa 57 400 (dudubu wara anuwa̰y para ɓyalar para kikis anda). 9Na naa ge mbal pore ma mwaɗak ge a ne isi nama ge Yuda pe go ma naa 186 400 (dudubu kis para wara tiimal para myanaŋgal para kikis anda). A nama ɗage mborra zḛ zaŋgal ne.

10Ruben vya ma ne bama naa ge mbal pore ma a mbo kote katɗa le ge mbii ge go, bama piripiri pe se. Ga̰l ge Ruben vya ma ne a Elisur ge Chedeyur vya. 11Na naa ge mbal pore ma isiya ɗu ne ɗu, naa 46 500 (dudubu wara anda para myanaŋgal para kikis anuwa̰y). 12Pehir ge Simeyon ne mbo kat nama ziyar go. Ga̰l ge Simeyon vya ma ne a Chelumiyel ge Surichaday vya. 13Na naa ge mbal pore ma isiya ɗu ne ɗu, naa 59 300 (dudubu wara anuwa̰y para lamaɗo para kikis ataa). 14Ɓanna ne pehir ge Gad ne. Ga̰l ge Gad vya ma ne a Eliyazaf ge Rewuyel vya. 15Na naa ge mbal pore ma isiya ɗu ne ɗu, naa 45 650 (dudubu wara anda para anuwa̰y para kikis myanaŋgal para wara anuwa̰y). 16Naa ge mbal pore ma mwaɗak ge a ne isi nama ge Ruben pe go ma naa 151 450 (dudubu kis para wara anuwa̰y para ɗu para kikis anda para wara anuwa̰y). A vog ge azi ge ne ɗage mborra ne.

17Uwale Levi vya ma poseya ne gúr swaga ɓol ta, a mbo ɗage mborra nama pe go. A mbo kat naa ge zḛ ge ma ne naa ge go̰r go ma buwal zi. A mbo ka mborra ta pe go dimma ne a ne kote katɗa se go, ndu ge daage piripiri ge na pehir ne pe go.

18Efrayim vya ma ne bama naa ge mbal pore ma a mbo kote katɗa le ge siya ge ya, bama piripiri pe se. Ga̰l ge Efrayim vya ma ne a Elichama ge Ammihud vya. 19Na naa ge mbal pore ma isiya ɗu ne ɗu, naa 40 500 (dudubu wara anda para kikis anuwa̰y). 20Pehir ge Manasa ne mbo kat nama ziyar go. Ga̰l ge Manasa vya ma ne a Gamliyel ge Pedasur vya. 21Na naa ge mbal pore ma isiya ɗu ne ɗu, naa 32 200 (dudubu tapolɗu para azi para kikis azi). 22Ɓanna ne pehir ge Bayami ne. Ga̰l ge Bayami vya ma ne a Abidan ge Gideyoni vya. 23Na naa ge mbal pore ma isiya ɗu ne ɗu, naa 35 400 (dudubu tapolɗu para anuwa̰y para kikis anda). 24Naa ge mbal pore ma mwaɗak ge a ne isi nama ge Efrayim pe go ma, a naa 108 100 (dudubu kis para tiimal para kis). A vog ge ataa ge ne ɗage mborra ne.

25Dan vya ma ne bama naa ge mbal pore ma a mbo kote katɗa le kuu ge go, bama piripiri pe se. Ga̰l ge Dan vya ma ne a Ahiyezer ge Ammichadday vya. 26Na naa ge mbal pore ma isiya ɗu ne ɗu, naa 62 700 (dudubu wara myanaŋgal para azi para kikis ɓyalar). 27Pehir ge Aser ne mbo kat nama ziyar go. Ga̰l ge Aser vya ma ne a Pagiyel ge Okran vya. 28Na naa ge mbal pore ma isiya ɗu ne ɗu, naa 41 500 (dudubu wara anda para ɗu para kikis anuwa̰y). 29Ɓanna ne pehir ge Neftali ne. Ga̰l ge Neftali vya ma ne a Ahira ge Enan vya. 30Na naa ge mbal pore ma isiya ɗu ne ɗu, naa 53 400 (dudubu wara anuwa̰y para ataa para kikis anda). 31Naa ge mbal pore ma mwaɗak ge a ne isi nama ge Dan pe go ma, a naa 157 600 (dudubu kis para wara anuwa̰y para ɓyalar para kikis myanaŋgal). A vog ge pe aya dab ge ne ɗage mborra ne bama piripiri ma ne.»

32No a Israyela vya ma ge a ne isi nama ne bama pehir ma go, ne bama vuwal pe go ma ne. Naa ge mbal pore ma ge a ne isi nama mwaɗak, a naa 603 550 (dudubu kikis myanaŋgal para ataa para kikis anuwa̰y para wara anuwa̰y). 33A be isi Levi vya ma Israyela vya ma buwal zi to dimma ne Bage ɗiŋnedin ne ho̰ Musa na wak go. 34Israyela vya ma ke tem dimma ne Bage ɗiŋnedin ne ho̰ bama wak go. A ka kote katɗa bama piripiri ma pe go tetem, a ka ɗage mborra ne bama pehir ma go, ne bama vuwal pe ma go me.

Bible kim

2013 Bible Society of Chad

More Info | Version Index