Search form

Rom 16:23-24

23-24AKaius, ginau aPol nototoh lohoim san, gai ike, “Ivoi,” mai gamito. Alat siYesu len naut egai lub̃onb̃on len naim san. AErastus totǝgau nǝvat hǝn nab̃iltivile egai, ike, “Ivoi,” mai gamito. AKwartus, awawa sinamit len nadǝlomian, gai am ike, “Ivoi,” mai gamito.

25Datisal suh aGot! Hum notokele len na-kel-uri-an sagw tovoi tokel kot aYesu Kristo, aGot elǝboi b̃igol mǝtb̃idaŋ am len nadǝlomian samito. Na-kel-uri-an tovoi notokel uri evi na-sor-utaut-an siGot tosusuah sutuai sutuai vǝbar nǝboŋ ta damǝŋai.