Search form

Lucas 2:44-45

44-45Kunaan dan ke zutun si Jesus te menge zuma zan te ebpenhipanew med-elupitpit. Ne hein sengeandew en is kedhipanew zan ne human dan meseg̵ipà he wazà dutun si Jesus, ne midsusi zan is menge kezuzumahi zan wey menge emig̵u zan ne neehè dan he wazà dutun iyan si Jesus. Ne zutun midlikù dan diyà te Hiruselim ne mibpengehè dan. 46Ne hein tetelu en he andew is kebpengehè dan, neehè dan sikandin diyà te simbahan he Valey te Megbevayà is ebpemekibitiyara te menge menunudlù te kesug̵uan. Ebpemineg te menge lalag dutun te menge menunudlù ne zuen daan menge insè din kandan.

Is begu he paagi: ang pulong sa Dios

© Wycliffe Bible Translators, Inc. 

More Info | Version Index