Search form

Marcos 7:20-22

20-22Ne migkag̵i si Jesus med-uman te, “Is egkehimu he igkeepesi te Megbevayà te etew ne iyan is egawas he ebpuun diyà te g̵ehinawa zin. Su ziyà te g̵ehinawa zin ebpuun is memezaat he isip, is kedhilavet te kenè din esawa, kebpenakew, kebpemumunù, kegkesina, kebpesipala, kebpenlimbung, is memahawag he ulaula, kegkeima, kedèdeeti te zengeg te menge zuma zin, kebpelavew zin wey is kedlalunglalung. 23Heini is memezaat he ulaula, diyà ebpuun te g̵ehinawa te etew ne iyan igkeepesi kandin te Megbevayà.”

Is begu he paagi: ang pulong sa Dios

© Wycliffe Bible Translators, Inc. 

More Info | Version Index