Search form

Mateo 2:8-10

8-10Ne hein netuenan ni Hirudis, midteleenan din te ibpeey-eyazan kandan te ebpen-ahà is batà ne ke sikandin te, “Emun egketuredu niw, ipetueni niw kediey su wey ku meturedu su ed-ezapen ku zaan.” Ne zutun, impelaus sikandan diyà te Bitlihim. Ne zutun migenat haazà is menge memimituen ne hein diyè dan en te zalan neehè dan en maan kes bituen he iyan kes bituen he neehè dan he midlepew ziyà te edsilaan. Ne nelipey zan utew hein neehè dan en maan. Ne mibpetundug kandan haazà is bituen, ne zutun medteren te renged te valey he zutun kes batà. 11Ne hein midseled dan dutun te valey neehè dan haazà is batà wey is iney zin he si Maria. Ne midluhud dan su ed-ezapen dan haazà is batà. Ne zutun impelepew zan is menge kavan he zutun itagù is ketig̵eyunan dan ne mibeg̵ayan dan sikandin te vulawan wey menge mahal he mehemut he beyewà wey mira.

Is begu he paagi: ang pulong sa Dios

© Wycliffe Bible Translators, Inc. 

More Info | Version Index