Search form

Nenged-ulaula 8:27-28

27-28Ketà ne migenat en si Felipe. Ne rutun te ralan ne ruen etew ne yanuku riyà ebpuun te inged te Itiyupiya ne ed-ulì diyà te kandan su mibpendiyà ini se etew te Hirusalim su ebpengarap te Eleteala. Mepurù ne egkamal sikandin dut te menge kearen te Bai ketà te inged ne Itiyupiya. Gewii te ed-ulì en sikandin te ed-untud te kerumata ne ebasa sikandin te riberù ne impesurat ki Isayas, senge etew ini ne ebpelambas te Lalag te Eleteala rengan. 29Ne migkehiyan rutun si Felipe dut te Kedesenan ne Ebpetuntul te Menusiyà te, “Uvey ka ketà te kerumata rin.”