Search form

1 Timutiyu 3:14-15

Ka pegpataha te Manama te kamalehetan

14-15Eggenduen a perem te keykew te mahaan, piru tenged su egkaangge e buwa, egsulaten ku naan de seini se igpanulu ku keykew eyew egpakataha ka ke nekey ka eleg ne egbatasanen ta te me anak te Manama. Sikanta se migmalintutuu ka sakup te manekal ne Manama, ne emun ke igpeiling ta ka kamalehetan te baley, sikanta iya ka pes-ek wey pabunsuran te kamalehetan. 16Ware egpekewubabe ne subla ne kein-inuwan ka seini se kamalehetan ne impataha te Manama meyitenged ki Kristu:

Neyimu si Kristu ne etew,

wey impamalehetan te Panisingan ne egpakapahale sikandin te Manama.

Nakita sikandin te me panalihan,

ne inwali e diye te me nasud,

ne impalintutuuwan e te me etew kayi te ampew te tane,

wey imbatun e te Manama diye te langit.

Meupiya ne panugtulen: Bibliya ne Matigsalug

© 2010, Wycliffe Bible Translators, Inc. All rights reserved. More Info | Version Index