Search form

Aposel 10:30-31

30-31Wote Koniliyas ndi, punt ropa, nimba mel, “Rumbʉⱡ tʉmbʉkak omba puⱡnga kʉn, epindama ant 3 kilok, na mang kona ila atinga rop moⱡmba, wu ti, muⱡ mbal kurmʉⱡʉ eng nui kat ti raⱡpa, na mur ila urum. Wote, wu ei ndi, na kundpa, nimba mel, ‘Koniliyas! Got ndi, nim nga atinga rokʉn, wote wamp kurpa mbʉ, tʉkʉn rapundkʉn etʉn uⱡ nimbʉ, pilpa kandpa mbi ndurum. 32Ei kʉn, wamp mat tʉk mundana, met Jopa kona ila wu Saimon ni ti, mbi tek, Pita nʉtmin ei, petʉm kona ila pangga! Wu Saimon ei, kng kau kʉng mim etʉm wu ei nga manga met, num ʉldʉ ila, manga tʉma mba morum,’ nitim.

Got Nga Nambuⱡa Ik Kai

© 1995, Wycliffe Bible Translators, Inc. All rights reserved. More Info | Version Index