Search form

Aposel 13:9-10

9-10Wote, Sol mbi ti tek, Pol nʉtʉng ni, Muⱡnga Wingti ei ndi, ronduⱡ nguⱡnga, kur Elimas ni, wu ei kandpa, ronduⱡ mundpa, nimba mel, “Nim Seitan nga kangʉm ei! Nim uⱡ kai mbʉ nga pora el rui wu. Nim kʉn uⱡ kit mbʉ, peka ropa petʉm ei nga, rʉk rʉk Nuim ei nga uⱡ kupa mbʉ, nim ndi, etkʉn ge ndurʉn. 11Ei kʉn akup, Nuim ei nga ki ei ndi, nim rangga, nim mong ei, kit itangga, ant rʉⱡang ei, kʉni nʉkʉnana, rumbʉⱡ mat omba pangga!” nitim. Tʉngʉnda mint, Elimas pitim ei, kupa rumbʉⱡ mul kat omba, elim nga mong raⱡ, panda rurum ila, wamp morung kona mbila runum runaim etpa, wamp ti ndi, elim ki ʉmbʉⱡeing nimba ʉndrʉm.

Got Nga Nambuⱡa Ik Kai

© 1995, Wycliffe Bible Translators, Inc. All rights reserved. More Info | Version Index