Search form

Luk 20:45-46

Mi Ik Mbo Wu Mbʉ Nga Uⱡ Etʉng Mbʉ Mel

45-46Wamp mbʉ ndi, Jisas ik nitim nimbʉ, pilik moⱡʉngina, Jisas ndi, elim nga kitip kʉni wu ni kʉⱡ, kundpa nimba mel, “Enim ndi, mi ik mbo wu mbʉ nga pilik, tʉk mendʉk muⱡʉi! Wu mbʉ ndi, wal pʉki roⱡ mbʉ mint, numan ngʉk pakʉk andʉk kʉn, wamp mou rok molk etmin kona mbila, en enim tʉk ou nduk, rawe etʉk, numan ning ngʉk pilik etmin. Wote, atinga manga kel mbila puk, nde pol kuimbal mbila, wamp kʉnangina mint muⱡmin nʉk pilik numan ngʉk etmin. Wote, wamp rʉng nok etmin mbila puk, nde pol kuimbal molk etmin. 47Wote, amp wiya mbʉ tʉk, wʉlʉ mundʉk kʉn, kng mel mbʉ kindʉp nok tʉk, atinga ruⱡ wei mat, ik kol rok rormin ku. Got nga wamp kʉmp tʉmba ui ila, wu mbʉ, mbun mindil mam mat ting,” nitim.

Got Nga Nambuⱡa Ik Kai

© 1995, Wycliffe Bible Translators, Inc. All rights reserved. More Info | Version Index