Search form

Luk 8:38-39

38-39Ni kʉn, kur kit ndi, ropa wʉlʉ mundrum wu ni ndi, Jisas ronduⱡ mundpa, waldpa nimba mel, “Nim ndi, kapⱡa nana, na nim kʉn kunda pumbil,” nitim. Wote Jisas ndi, wu ni, yant ndupa nimba mel, “Nim int pukʉn, Got ndi, nim tʉpa rapundpa endim uⱡ mbʉ mel, wamp mbʉ, kundkʉn nʉn pi!” nitim. Wote wu ni, mang kona kelpa yant omba, kona peng na, kona mbila pora, wamp mbʉ kandpa, Jisas ndi, elim tʉpa rapundpa itim uⱡ mbʉ mel, wamp mbʉ kundpa nitim.

Jisas Ndi, Amp Ti Kʉn Ambuⱡa Ti Kʉn Etpa Titim

40Wote Jisas ni, num noi ʉldʉ orunga, rʉk oⱡnga kʉn, nokundʉk morung wamp nimbʉ ndi, ambulk palk, rawe etʉk tʉtʉng.

Got Nga Nambuⱡa Ik Kai

© 1995, Wycliffe Bible Translators, Inc. All rights reserved. More Info | Version Index