Search form

Јован 15

ГЛАВА 15

(Зачало 50)

1Јас сум+ вистинската лоза и Мојот Отец е лозарот.

2Секоја прачка во Мене, која не дава плод, Он ќе ја исече; и секоја, која дава плод, ќе ја очисти, за да принесе повеќе плод.

3Вие сте веќе чисти преку словото што сум ви го проповедал.

4Бидете во Мене, и Јас ќе бидам во вас. Како што прачката не може да роди плод сама од себе, ако не е на лозата, така и вие, ако не бидете во Мене.

5Јас сум лозата, а вие прачките; и кој е во Мене и Јас во него, тој ќе даде многу плод; оти без Мене не можете да направите ништо.

6Ако некој не остане во Мене, ќе биде исфрлен надвор, како прачката, и ќе се исуши; и ќе ги соберат, и во оган ќе ги фрлат, и ќе ги изгорат.

7Ако останете во Мене, и зборовите Мои во вас, тогаш што и да посакате, барајте, и ќе ви биде.

Крај на понеделникот и на светителот

8Со тоа ќе се прослави Мојот Отец, ако вие принесувате многу плод и ако бидете Мои ученици.

(Зачало 51)

9Како што+ Ме возљуби Отецот, и Јас ве возљубив вас; бидете во Мојата љубов.

10Ако ги запазите Моите заповеди, ќе останете во љубовта Моја, како што Јас ги запазив заповедите на Мојот Отец, и останувам во љубовта Негова.

11Ова ви го реков, за да остане радоста Моја во вас, и радоста ваша да биде полна.

12Оваа е Мојата заповед: да се љубите еден со друг, како што ве возљубив и Јас.

13Од оваа љубов никој нема поголема: да ја положи душата своја за своите пријатели.

14Вие сте Мои пријатели, ако го вршите она, што ви заповедувам Јас.

15Не ве викам веќе слуги, зашто слугата не знае што работи господарот; туку ве викам пријатели, оти ви кажав сѐ што сум чул од Мојот Отец.

16Вие не Ме избравте Мене, но Јас ве избрав вас и ве поставив да одите и да принесувате плод, и плодот ваш да остане, та што и да посакате од Отецот во Мое име, да ви даде.

Крај на светителот

(Зачало 52)

17Оваа+ заповед ви ја давам: да се љубите еден со друг.

18Ако светот ве мрази, знајте, дека Мене светот уште пред вас Ме замрази.

19Да бевте од овој свет, тогаш светот ќе го љубеше своето; но бидејќи не сте од светот, туку Јас ве избрав од светот, затоа светот и ве мрази.

20Помнете ги зборовите што ви ги реков Јас: ниеден слуга не е поголем од својот господар. Ако Мене Ме гонеа, и вас ќе ве гонат; ако Моите зборови ги запазеа, и вашите ќе ги запазат.

21Ама сето ова ќе ви го направат заради Моето име, оти не Го знаат Оној, Којшто Ме испрати.

22Да не бев дошол и да не бев им зборувал, грев немаше да имаат. Но сега тие немаат изговор за својот грев.

23Којшто Ме мрази Мене, Го мрази и Мојот Отец.

24Ако не бев направил меѓу нив дела, какви што никој друг не направил, грев немаше да имаат; а сега и видоа, и Ме замразија Мене, и Мојот Отец.

25Ама нека се исполни словото, напишано во нивниот Закон, дека Ме замразија за ништо.

26А кога ќе дојде Утешителот, Кого ќе ви Го испратам Јас од Отецот, Духот на вистината, Којшто излегува од Отецот, Он ќе сведочи за Мене;

27а и вие ќе сведочите, бидејќи од почетокот сте со Мене.

Свето Евангелие 2008

© Македонска Православна Црква, Библиско Здружение на Р. Македонија 2008

More Info | Version Index