Search form

Јован 18

ГЛАВА 18

(Зачало 58)

1Штом го рече ова, Исус отиде со+ учениците Свои преку потокот Кедрон, каде што имаше градина, и во неа влезе Он и учениците Негови.

Крај на првото евангелие за св. страданија Христови

2А тоа место го знаеше и Јуда, кој сакаше да Го предаде, зашто Исус често се собираше таму со учениците Свои.

3Тогаш Јуда зеде една чета војници, и слуги од првосвештениците и фарисеите, и дојде таму со фенери, со светила и со оружје.

4А Исус, знаејќи сѐ што ќе стане со Него, излезе и им рече: – Кого го барате?

5Му одговорија: – Исуса од Назарет. Исус им рече: – Јас сум! Со нив стоеше и Јуда, којшто Го предаваше.

6А кога им рече: – Јас сум, – тие се повлекоа назад и паднаа на земјата.

7Тогаш повторно ги праша: – Кого Го барате? А тие рекоа: – Исуса од Назарет.

8Исус одговори: – Ви реков дека сум Јас; па, ако Ме бара те Мене, оставете ги овие да си одат;

9за да се изврши словото, кажано од Него: „Од оние што си Ми ги дал, никого не погубив“.

10А Симон Петар, којшто имаше нож, го извади, го удри слугата на првосвештеникот и му го отсече десното уво. Името на слугата му беше Малх.

11Но Исус му рече на Петра: – Стави го ножот во ножницата! Зар да не ја испијам чашата, којашто ми ја даде Отецот?

12Тогаш четата и војводата, и слугите јудејски, Го фатија Исуса и Го врзаа,

13и Го одведоа најнапред кај Ана, зашто тој беше дедо на Кајафа, кој во таа година беше првосвештеник.

14А Кајафа беше оној што ги посоветува Јудејците дека поарно е да умре еден човек за народот.

15По Исуса одеше Симон Петар и еден друг ученик; а тој ученик му беше познат на првосвештеникот, и влезе со Исуса во дворот на првосвештеникот.

16А Петар стоеше надвор, покрај вратата. Другиот, пак, ученик, којшто му беше познат на првосвештеникот, излезе, ѝ рече на вратарката и го воведе Петра.

17Тогаш слугинката вратарка му рече на Петра: – Да не си и ти од учениците на Овој Човек? Тој рече: – Не сум.

18А слугите и робовите беа запалиле оган и стоеја, па се грееја, оти беше студено. Со нив стоеше и Петар, и се грееше.

19А првосвештеникот Го праша Исуса за учениците Негови и за Неговото учење.

20Исус му одговори: – Јас му говорев јавно на светот; Јас секогаш поучував по синагогите и во храмот, каде што секојпат се собираат Јудејците, и тајно ништо не сум зборувал.

21Зошто Ме прашуваш Мене? Прашај ги оние, кои слушале, што сум зборувал; тие знаат што сум говорел.

22Кога Он го рече тоа, еден од слугите, кој стоеше близу, Го удри Исуса по образ и рече: – Така ли му одговараш на првосвештеникот?

23Исус му одговори: – Ако реков лошо, докажи го лошо то; ако ли, пак, добро, зошто ме биеш?

24Тогаш Ана Го прати врзан при првосвештеникот Кајафа.

25А Симон Петар стоеше и се грееше. И му рекоа: – Да не си и ти од учениците Негови? Тој се откажа и рече: – Не сум.

26Еден од слугите на првосвештеникот, кој беше роднина на оној, кому Петар му го беше отсекол увото, рече: – Не те видов ли и тебе во градината со Него?

27А Петар повторно се одрече; и веднаш петел запеа.

(Зачало 59)

И Го поведоа+ Исуса од Кајафа во судницата. Но беше утро, и тие не влегоа во судницата, за да не се осквернат, а да би можеле да ја јадат пасхата.

Крај на второто евангелие за св. страданија Христови

28Тогаш излезе Пилат пред нив и рече: – За што Го обвинувате Овој Човек?

29Одговорија и му рекоа: – Ако Он не беше злосторник, немаше да ти Го предадеме.

30А Пилат им рече: – Земете Го вие и судете Го според вашиот Закон. Јудејците му рекоа: – Нам не ни е дозволено да убиваме никого;

31за да се исполни зборот Исусов, што го рече, кажувајќи со каква смрт ќе умре.

32Тогаш повторно влезе Пилат во судницата, па Го повика Исуса и Му рече: – Ти ли си Царот Јудејски?

33Исус му одговори: – Самиот ли го зборуваш тоа или други ти кажаа за Мене?

34Пилат одговори: – Та јас Евреин ли сум? Твојот народ и првосвештениците Те предадоа на мене: – Што си направил?

35Исус одговори: – Мое то царство не е од овој свет; ако беше царството Мое од овој свет, тогаш Моите слуги би Ме бранеле, за да не им бидам предаден на Јудејците; ама царството Мое сега не е одовде.

36А Пилат Му рече: – Ти, пак, Цар ли си? Исус одговори: – Ти велиш дека сум Цар. Јас за тоа се родив и за тоа дојдов на светот, за да сведочам за вистината; секој, којшто е од вистината, го слуша гласот Мој.

37Пилат Му рече: – Што е вистина? И откако го рече ова, пак излезе при Јудејците и им рече: – Јас не наоѓам никаква вина во Него.

38Но при вас има обичај да ви пуштам по еден за Пасха. Сакате ли да ви Го пуштам Царот Јудејски?

39И пак повикаа сите, велејќи: – Не Овој, туку Варава! Варава, пак, беше разбојник.

Свето Евангелие 2008

© Македонска Православна Црква, Библиско Здружение на Р. Македонија 2008

More Info | Version Index