Search form

Матеј 1

ГЛАВА 1

(Зачало 1)

1Книга+ за родословот на Исуса Христа, син Давидов, син Авраамов.

2Авраам го роди Исаака; Исаак го роди Јакова, а Јаков го роди Јуда и браќа му;

3Јуда ги роди Фареса и Зара од Тамара; Фарес го роди Есрома, а Есром го роди Арама;

4Арам го роди Аминадава; Аминадав го роди Наасона, а Наасон го роди Салмона;

5Салмон го роди Вооза од Раав; Вооз го роди Овида со Рут, а Овид го роди Јесеја;

6Јесеј го роди царот Давида, а царот Давид го роди Соломона, од Уриевата жена;

7Соломон го роди Ровоама; Ровоам го роди Авија, а Авија го роди Аса;

8Аса го роди Јосафата; Јосафат го роди Јорама, а Јорам го роди Озија;

9Озија го роди Јоатама; Јоатам го роди Ахаза, а Ахаз го роди Езекија;

10Езекија го роди Манасија; Манасија го роди Амона, а Амон го роди Јосија;

11Јосија го роди Јоакима; Јоаким го роди Јехонија и браќа му – при преселувањето вавилонско.

12А по вавилонското преселување, Јехонија го роди Салатиила, а Салатиил го роди Зоровавела;

13Зоровавел го роди Авиуда; Авиуд го роди Елиакима, а Елиаким го роди Азора;

14Азор го роди Садока; Садок го роди Ахима, а Ахим го роди Елиуда;

15Елиуд го роди Елиазара; Елиазар го роди Матана, а Матан го роди Јакова;

16Јаков го роди Јосифа, мажот на Марија, од која се роди Исус, наречен Христос.

17И така, сите родови од Авраама до Давида се четиринаесет; и од Давида до вавилонското преселување се четиринаесет родови; и од преселувањето вавилонско до Христа се четиринаесет родови.

(Зачало 2)

18Араѓањето+ на Исуса Христа стана вака: по свршувачката на мајка Му Марија за Јосифа, уште пред да заживеат, се виде дека зачнала од Светиот Дух.

19А Јосиф, нејзиниот маж, бидејќи праведен, не сакаше да ја посрами и намисли тајно да ја отпушти.

20Но, штом помисли така, ете, ангел Господов му се јави насон, велејќи: Јосифе, сине Давидов, не плаши се да ја примиш Марија, жената своја, зашто зачнатото во неа е од Светиот Дух;

21Таа ќе роди Син и ќе Му ставиш име Исус, зашто Тој ќе го спаси Својот народ од неговите гревови.

22А сето ова стана за да се исполни кажаното од Господа преку пророкот, кој вели:

23„Ете, девица ќе зачне во утробата своја и ќе роди Син, и ќе Го наречат Емануил, што значи: со нас е Бог“.

24Штом се разбуди Јосиф од сон, направи така како што му заповеда ангелот Господов и ја прими жената своја.

25И не се доближи до неа додека таа не Го роди својот првороден Син и Го нарече Исус.

Крај на неделата, на утрената и на првиот час

Свето Евангелие 2008

© Македонска Православна Црква, Библиско Здружение на Р. Македонија 2008

More Info | Version Index