Search form

1 Khaulee int

Phau 1 Khaulee yog tsab ntawv uas xibhwb Povlauj sau rau pawg ntseeg hauv lub moos Khaulee hauv Kili tebchaws. Povlauj twb mus qhia txoj xov zoo rau lawv lawm (saib Ttx. 18:1‑21), mas nws sau tsab ntawv no xa mus rau thaum nws nyob hauv lub moos Efexau, yog kwvlam xyoo 55 tom qab yug Yexus.

Povlauj xav txhawb lawv lub zog, thiab qhuab qhia cov ntseeg paub xyaum lawv lub neej. Povlauj tau hnov tias pawg ntseeg hauv lub moos Khaulee muaj teeb meem ntau yam, mas nws thiaj hais txog tej teeb meem ntawd.

Tshooj 1‑4 Pawg ntseeg faib ua pab ua pawg, mas Povlauj qhia kom tsis txhob ua raws li neeg ntiajteb ua tiamsis ua raws li Vajtswv txoj xov zoo qhia.

Tshooj 5‑7 Tej teeb meem hais txog kev ua plaub rau hauv pawg ntseeg thiab hais txog kev ua nkauj ua nraug, thiab kev sib yuav.

Tshooj 8‑10 Tej zaub mov uas xyeem rau dab. Cov ntseeg yuav tsum ua txhua yam kom Vajtswv tau koob meej, thiab tsis txhob ua rau cov ntseeg dawm.

Tshooj 11‑14 Hais txog kevcai noj Yexus rooj mov, thiab tej tswvyim uas Vaj Ntsuj Plig pub rau cov ntseeg, thiab kev coj rau thaum tuaj sablaj ua ke.

Tshooj 15 Hais txog qhov uas ciaj sawv hauv qhov tuag rov los.

Tshooj 16 Pub nyiaj rau Vajtswv thiab Povlauj xaus lus.

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index