Search form

1 Yauhas int

Phau 1 thiab 2 thiab 3 Yauhas yog Yauhas uas yog Yexus ib tug thwjtim sau, yog tus thwjtim uas Yexus hlub (saib Yh. 13:23). Peb tsab ntawv no puavleej sau cia kwvlam xyoo 90 tom qab yug Yexus. Yauhas kuj sau phau Yauhas thiab phau Qhia Tshwm. Nws sau phau 1 Yauhas no rau cov ntseeg uas nyob ntau qhov, tej zaum yog sau rau cov ntseeg hauv lub xeev Axia.

Lub sijhawm ntawd muaj ib co cuav xibhwb qhia yuam kev hais tias Yexus tsis yog Vajtswv tus tub uas los ua neeg muaj lub cev nqaij tawv li peb. Lawv qhia tias neeg muaj lub cev thiab muaj ntsuj plig. Lub cev nqaij tawv phem xwb, mas txojkev dim, tsuas yog neeg ntsuj plig dim ntawm lub cev nqaij tawv uas phem ntawd. Yog neeg ua txhaum yog lub cev phem ua txhaum xwb, tsis yog tus ntsuj plig ua. Yog li ntawd neeg ua txhaum dabtsi kuj tau, yuav tsis ntsig txog neeg tus ntsuj plig lossis kev dim li cas.

Yauhas qhia meej tias Yexus yog Vajtswv leej Tub tiag thiab nws los ua neeg tiag. Yauhas ntuas cov ntseeg kom tsis txhob ua txhaum. Lawv yuav tsum ua raws li Yexus txojkev tseeb, thiab ib leeg yuav tsum hlub ib leeg. Yauhas hais txog ntau yam uas peb paub tseeb, tsis txog yuav tej kev paub uas cov cuav xibhwb qhia.

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index