Search form

Tubtxib Tes Haujlwm int

Phau Tub Txib Tes Haujlwm yog sau txuas cov lus hauv phau Luka mas hais txog tej uas cov tubtxib ua thaum Yexus twb rov mus saum ntuj lawm thiab Vaj Ntsuj Plig twb nqes los nyob hauv lawv lawm. Cov tubtxib pib qhia txoj xov zoo rau cov Yudai hauv lub nroog Yeluxalees, tiamsis tsis ntev lawv li mus qhia neeg sawvdaws tsis hais cov Yudai, cov Kili thiab lwm haiv neeg thoob tej tebchaws uas cov neeg Loos kav. Pib ntawm Yeluxalees mas thiaj muaj pawg ntseeg coob zuj zus tuaj rau hauv ntau lub tebchaws.

Tus sau yog Luka, uas yog lwm haiv neeg thiab yog ib tug Kws tshuaj. Nws kuj sau phau Luka thiab. Luka nrog xibhwb Povlauj mus qhia txoj xov zoo hauv lub xeev Axia thiab hauv Kili tebchaws, thiab nrog xibhwb Povlauj mus rau lub nroog Loos. Tej zaum Luka sau phau no rau thaum lawv nyob hauv lub nroog Loos ua ntej uas Povlauj tsis tau tuag. Povlauj tuag kwvlam xyoo 67 tom qab yug Yexus.

Tshooj 1‑2 Yexus rov mus saum ntuj thiab Vaj Ntsuj Plig los.

Tshooj 3‑8 Qhia txoj xov zoo rau hauv lub nroog Yeluxalees thiab lub xeev Yudia thiab lub xeev Xamali.

Tshooj 9‑12 Xibhwb Povlauj los ntseeg. Lwm haiv neeg los ntseeg mas Petus mus qhia lawv.

Tshooj 13‑14 Povlauj mus qhia zaum ib.

Tshooj 15:1‑18:22 Povlauj mus qhia zaum ob.

Tshooj 18:23‑21:16 Povlauj mus qhia zaum peb.

Tshooj 21:17‑28:31 Povlauj raug ntes thiab mus rau lub nroog Loos, mus rau Xixa txiav txim

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index