Search form

Amau int

Amau yog ib tug yug yaj nyob lub moos Thekhau‑a hauv Yuda tebchaws. Vajtswv txib nws mus cev lus rau hauv lub moos Npe‑ee hauv Yixayee tebchaws, yog ncua sijhawm uas Uxiya ua vajntxwv kav Yuda thiab Yelaunpau‑as kav Yixayee, yog kwvlam xyoo 760‑750 ua ntej Yexus.

Lub sijhawm ntawd Yixayee thiab Yuda vam meej heev thiab nyob tso siab lug. Tiamsis Amau hais kom cov nplua nuj tsis txhob ua tsis ncaj thiab tsis txhob quab yuam cov pluag. Cov pejxeem kuj pe hawm Vajtswv ntawm qhov ncauj xwb, thiab mus pe hawm dab mlom.

Amau qhia tias Vajtswv yog tus ncaj ncees thiab yuav txiav txim rau cov Yixayee uas ua tsis ncaj thiab nws yuav coj lawv tawm hauv lub tebchaws. Tiamsis thaum Vajtswv teem txim tag lawm nws yuav pub cov Yixayee rov vam meej li qub.

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index