Search form

Yaxaya 12

Zaj nkauj ua tsaug

1Hnub ntawd koj yuav hais tias,

“Au Yawmsaub, kuv ua koj tsaug

txawm yog koj chim rau kuv

los koj kuj thim txojkev chim lawm

thiab nplij kuv lub siab.

2Vajtswv yog txojkev cawm kuv dim,

kuv yuav tso siab thiab tsis ntshai dabtsi,

vim Vajtswv Yawmsaub yog kuv lub zog

thiab kuv zaj nkauj,

thiab nws kuj yog txojkev cawm kuv dim.

3Koj yuav zoo siab xyiv fab ntaus dej

ntawm lub qhov dej uas cawm txojsia.”

4Hnub ntawd koj yuav hais tias,

“Cia li ua Yawmsaub tsaug,

cia li thov hu nws lub npe,

cia li piav nws tej haujlwm

rau hauv ib tsoom tebchaws,

piav kom paub tias

nws lub npe loj tshaj plaws.

5Cia li hu nkauj qhuas Yawmsaub

rau qhov nws tau ua

tej haujlwm tseem ceeb kawg,

qhia zaj no kom paub

thoob plaws hauv ntiajteb.

6Cov neeg Xi‑oo 'e,

cia li qw hu nkauj zoo siab xyiv fab

vim cov Yixayee tug Tswv uas Dawb Huv

loj tshaj plaws nyob hauv nej nruab nrab.”

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index