Search form

Yelemi int

Phau Yelemi no yog Yelemi uas ua xibhwb cev Vajtswv lus sau cia. Yelemi yog ib tug pov thawj, nws nyob ncua sijhawm uas Yauxiya, Yehau‑aha, Yehauyakhi, Yehauyakhee thiab Xedekhiya ua vajntxwv kav Yuda tebchaws, yog kwvlam xyoo 626‑586 ua ntej Yexus.

Vajtswv txib Yelemi mus qhia rau cov neeg Yuda thiab cov uas nyob hauv lub nroog Yeluxalees hais tias lawv yuav raug teem txim thiab Yeluxalees yuav raug puam tsuaj vim qhov uas lawv twb tso Vajtswv tseg mus ua txhaum thiab pe dab mlom. Vajtswv yuav siv cov neeg Npanpiloo rau txim rau cov Yuda, thiab lawv yuav raug ntes coj mus nyob rau hauv Npanpiloo tebchaws. Yelemi qhia kom cov Yuda ntxeev dua siab thiab tsis txhob tawm tsam cov Npanpiloo, rau qhov Vajtswv twb npaj tseg tias yuav txiav txim li ntawd. Cov Yuda tsis ntseeg Yelemi tej lus thiab tsis kheev tso lawv tej kev txhaum tseg, Yelemi thiaj nyuaj siab kawg thiab qhia nws lub siab rau Vajtswv.

Yelemi kuj hais txog qhov uas dhau xya caum xyoo Vajtswv yuav coj cov uas poob tebchaws lawd rov los nyob rau hauv lub nroog Yeluxalees.

Tshooj 1 Vajtswv hu Yelemi ua xibhwb cev Vajtswv lus.

Tshooj 2‑25 Yelemi cev Vajtswv lus rau Yuda thiab Yeluxalees.

Tshooj 26‑45 Tej xwm txheej uas Yelemi raug thiab qhov uas Yeluxalees poob.

Tshooj 46‑51 Vajtswv yuav txiav txim rau ib tsoom tebchaws.

Tshooj 52 Lub nroog Yeluxalees puam tsuaj.

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index