Search form

Mathai int

Phau Mathai no yog Mathai uas yog Yexus ib tug thwjtim sau. Nws yog ib tug sau se thiab muaj dua ib lub npe hu ua Levi. Mathai sau phau no cia yog kwvlam xyoo 70 tom qab yug Yexus. Nws qhia cov Yudai uas ntseeg kom paub tseeb tias Yexus yog tus Mexiyas lossis tus Khetos. Tus Khetos yog tus Cawmseej uas Vajtswv tau cog lus tseg tias yuav los cawm neeg dim lub txim.

Mathai qhia hais tias qhov uas yug Yexus thiab qhov uas Yexus mus qhia txoj xov zoo, thiab qhov uas Yexus tuag thiab sawv rov qab los puavleej tiav raws li Vajtswv twb hais cia tseg rau cov Yudai thaum ub los.

Tshooj 1‑2 Yexus li yawg koob thiab yug Yexus hauv lub moos Npelehee.

Tshooj 3‑4 Yexus ua kevcai raus dej thiab raug dab Ntxwg Nyoog sim.

Tshooj 4‑18 Yexus mus qhia hauv lub xeev Kalilais thiab kho neeg muaj mob coob coob kom zoo kiag. Nws hais txog kev xyaum lub neej thiab qhia txog Ntuj Ceeb Tsheej.

Tshooj 19‑27 Yexus mus qhia rau hauv lub xeev Yudia thiab lub nroog Yeluxalees. Nws raug cov thawj ntes mas lawv muab nws teem rau saum khaublig ntoo.

Tshooj 28 Yexus ciaj sawv hauv qhov tuag rov los, thiab qhia nws cov thwjtim kom mus qhia txoj xov zoo rau txhua haiv neeg.

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index