Search form

Ntawv Nkauj 58

Thov Vajtswv rau txim rau cov neeg ua phem

Sau rau tus thawj coj hu nkauj raws li lub suab “Tsis txhob ua kom puam tsuaj.” Yog zaj nkauj Mithaq uas Davi sau.

1Nej cov nom tswv,r

nej hais ncaj hais ncees lov?

Nej tu plaub rau neeg ntiajteb ncaj lov?

2Tsis yog li ntawd,

nej lub siab npaj tej tswvyim phem,

nej txhais tes tseb kev limhiam ntais ntuj

rau saum ntiajteb.

3Cov neeg limhiam yuam kev

txij thaum nruab thiab los lawm,

txij hnub uas yug lawv los

yeej ua txhaum yog hais lus dag.

4Lawv muaj taug yam nkaus li taug nab,

yam nkaus li nab raj kub sai lag ntseg

uas ntsaws qhov ntsej,

5thiaj tsis hnov tus uas yug nab lub suab

thiab tsis mloog tus uas

ua khawv koob rau nab.

6Au Vajtswv, thov tsoo lawv cov hniav kom lov,

Au Yawmsaub, thov rho

tsov ntxhuav mos tej los yuaj pov tseg.

7Thov kom lawv ploj ntais mus yam li dej ntws,

cia lawv zoo li tej nyom

uas muab tsuj qhuav tag ntawm txojkev.

8Thov cia lawv zoo li cov npluag

uas yaj ua kua nplaum tag,

thiab zoo li tej menyuam

uas pob es tsis pom lub hnub.

9Thov rhuav tshem lawv

sai dua li lub laujkaub hnov kub

saum cov nplaim taws liab thiab ntsuab.s

10Cov neeg ncaj ncees yuav zoo siab

rau thaum pom Vajtswv ua pauj.

Lawv yuav muab tej neeg phem

cov ntshav los ntxuav kotaw.

11Neeg yuav hais tias, “Yeej muaj nqe zog

rau cov neeg ncaj ncees tiag tiag li lauj,

yeej muaj Vajtswv uas txiav txim rau ntiajteb.”

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index