Search form

Qhia Tshwm int

Phau Qhia Tshwm yog Yauhas sau. Yauhas kuj yog tus sau phau Yauhas thiab 1,2,3 Yauhas, yog kwvlam xyoo 95 tom qab yug Yexus. Lub sijhawm ntawd tus huabtais Xixa Daumitia tabtom tsim txom cov ntseeg txhua qhov heev kawg li. Yauhas kuj raug muab kaw rau hauv lub koog povtxwv Pamau mas nws sau phau no xa mus txhawb cov ntseeg lub zog kom lawv nyob ruaj thiab thev taus tej kev tsim txom ntawd.

Yauhas qhia tej uas Vajtswv tus tubtxib qhia tshwm rau nws pom. Vajtswv xub qhia txog xya pawg ntseeg uas nyob hauv lub xeev Axia. Thiab Vajtswv qhia Yauhas pom Yexus saum ntuj ceeb tsheej thiab qhia nws paub yav tom hauv ntej yuav muaj xwm txheej dabtsi tshwm los raug lub ntiajteb. Nws qhia tias txawm yog cov ntseeg raug kev tsim txom heev, los Vajtswv tseem yog tus uas kav ib puas tsav yam huvsi, thiab nws yuav tsom kwm cov ntseeg. Thaum kawg Yexus yuav rov qab los txiav txim rau dab Ntxwg Nyoog thiab ua kom dab thiab kev txhaum thiab kev tuag puam tsuaj tag huvsi. Cov ntseeg yuav muaj txojsia ib txhis tsis kawg mus nrog Vajtswv nyob kaj siab lug rau hauv lub tebchaws tshiab uas yog ntuj ceeb tsheej.

Tshooj 1‑3 Yexus tej lus qhia rau xya pawg ntseeg hauv lub xeev Axia.

Tshooj 4‑5 Rooj ntug qheb pom lub zwm txwv, thiab thooj ntawv thiab tus Menyuam Yaj.

Tshooj 6‑8 Qheb thooj ntawv thiab tev xya lub cim.

Tshooj 9‑11 Xya lub raj xyu.

Tshooj 12‑14 Tus pojniam thiab tus zaj thiab ob tug tsiaj nyaum, thiab hlais sau tej uas nyob hauv ntiajteb los ua ke rau thaum kawg.

Tshooj 15‑16 Xya lub phaj uas rau tej sub tawg sub ntsha thaum kawg.

Tshooj 17‑18 Npanpiloo raug puam tsuaj.

Tshooj 19‑20 Yexus rov qab los ua vajntxwv kav txhua yam thiab txiav txim thaum kawg.

Tshooj 21‑22 Lub ntuj tshiab, lub ntiajteb tshiab thiab lub nroog Yeluxalees tshiab.

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index