Search form

SOERA NGAʼÕTÕ II. FAZA

I. Mameʼe soemange Zelomo, ba Gibeona. II. Fangandrõnia ba fanehe Lowalangi. III. Faʼeboea Zelomo ba anaʼania.

(A. 1—6: Raz. I. 3, 1—4.)

1I. Selomo, ono Dawido, ba iʼaroʼõ waʼarazonia, ba itolo ia Lowalanginia Jehowa, eboea sibai lachõmi ibeʼe. (Raz. I. 2, 12. 46). 2Ba ibeʼe goroisa Selomo ba Ndraono Gizeraëli fefoe, ba ba zolohe ngahõnõ ba ba zolohe ngaotoe ba ba zangoehoekoe ba ba zalaw̃a fefoe, ba Ndraono Gizeraëli fefoe, ba ba hõgõ ngafōē andrõ, 3iʼohe zato fefoe Selomo, awõnia ba hilihili andrõ ba Gibeona. Ba daʼõ sa so nose wamaʼeleʼõ andrõ chõ Lowalangi, nilaoe Moze, enoni Jehowa, ba danõ si mate. (Ngaʼõt. I, 16, 39; 21, 29). 4(Ba tawõla andrõ chõ Lowalangi, ba no iʼohe mijaw̃a Dawido, moroi ba Giriati Jeari, no ibeʼe ba nahia andrõ, nilaoenia nahania; noa sa ifazõchi nosenia ba Jeroezalema). (Sam. II. 6, 17. Ngaʼõt. I. 13, 6; 15, 3. 28; 16, 1). 5Ba he naha wameʼe soemange tõla andrõ, nifazõchi Mbesaleëli, ono Goeri, maʼoewoe Hoeri, ba ba daʼõ so, fõna nose Jehowa, ba laʼaloei [Jehowa, ba daʼõ] Selomo, awõ niha sato. (Moz. II. 38, 1—8. A. 3). 6Ba ibeʼe zoemange ba daʼõ Selomo, ba naha wameʼe soemange tõla andrõ, fõna Jehowa, fõna nose wamaʼeleʼõ andrõ, 1000 ibeʼe soemange, nitoenoe, ba detenia.

(A. 7—12: Raz. I. 3, 5—15.)

7II. Ba ba zi bongi andrõ, ba iʼoromaʼõ ia chõ Zelomo Lowalangi, imane chõnia: Andrõ zomasiʼõ oebeʼe chõoe! (Raz. I. 3, 5 b. t.). 8Ba imane Selomo chõ Lowalangi: No eboea sibai dõdõoe chõ namagoe Dawido ba no õbaliʼõ fangalinia razo ndraʼodo. 9Ba enaʼõ na itõrõ nifaboeʼoemõ chõ namagoe Dawido, jaʼoegõ Jehowa, Lowalangi! Noa sa õfataro razo ndraʼodo, razo niha si no ato sibai, timba waʼoja ngawoea gawoe nasi ba danõ. (Moz. I. 13, 16). 10Ba beʼe saʼae chõgoe waʼatoeatoea ba faʼaboto ba dõdõ, enaʼõ oesõndra lala, he oewisa ba niha andre; ha niha sa enaʼõ zangila mamatõrõ banoeaoe andre, si no ato sibai? 11Ba imane Lowalangi chõ Zelomo: Me no daʼõ zi so ba dõdõoe, ba me tenga faʼeboea ganaʼa ba tenga girõgirõ ba tenga soemange ba tenga famoenoe si faʼoedoe chõoe niʼandrõoe, ba me tenga gõi faʼanaoe nosooe; me no faʼatoeatoea ba faʼaboto ba dõdõ õʼandrõ, enaʼõ õʼila õfatõrõ mbanoeagoe andrõ, ba nifatarogoe razo jaʼoegõ, 12ba nibeʼe chõoe waʼatoeatoea ba faʼaboto ba dõdõ. Ba he faʼeboea ganaʼa gõi ba girõgirõ ba soemange, ba oetehe chõoe, irege zi lõ irai ba razo bõʼõ fõnaoe, ba si lõʼõ saʼae gõi dania foerioe.

13III. Ba irõi hilihili andrõ ba Gibeona Selomo, [naha andrõ] fõna nose wamaʼeleʼõ, ifoeli ia ba Jeroezalema, ba razo Ndraono Gizeraëli ia.

(A. 14—17: Raz. I. 10, 26—29.)

14Ba oja sibai iʼasogõ chõnia koereta Selomo, awõ zi fakoedo, 1400 chõnia goereta ba 12,000 zi fakoedo. Ba mbanoea goereta andrõ ifataro ba ba zi tefasoei razo, ba Jeroezalema. (Raz. I. 4, 26; 10, 26 b. t.). 15Ba falaw̃alaw̃a ira gara ganaʼa, waʼoja, ibeʼe razo, ba falaw̃alaw̃a ira dõla geresi dõla ara gatoea, ba ndraso. (F. 9, 27). 16Ba koedo andrõ, ba ba danõ Miseraji ihalõ Selomo; mõimõi zaniaga andrõ chõ razo, ba sambasambawá lahalõ, niʼõli; 17õnõ ngaotoe roefia zamboea koereta, wolohe mijaw̃a, moroi ba danõ Miseraji, ba 150 zageoe koedo. Ba si manõ gõi wamaʼemara ba razo Ndraono Cheti ba ba razo Ndrawa Garamo.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index