Search form

SOERA ZANGOMBACHA FAZA

I. Tõdõ zangombacha ba zoera andre: Isofoe hadia zi lõ teboelõ, me no aʼoi fajafaja manõ fefoe hadia ia. II. Tobalibali manõ fefoe hadia ia ba goeli danõ. III. He ba waʼatoeatoea niha andrõ, ba lõ si lõ teboelõ.

1I. Taroma li zangombacha andrõ, ono Dawido, razo ba Jeroezalema. (Sin. 62, 10).

2Fajafaja si toemboe ba zi lõ boto! iw̃aʼõ sangombacha andre; fajafaja si toemboe ba zi lõ boto! Oi fajafaja manõ!

3Hadia hare niha ba waʼerege dõdõnia andrõ fefoe, ba niʼeregesinia tõdõnia ba goeli danõ? (F. 2, 22).

4II. Moelalõ zi sagõtõ niha, ba so zi sagõtõ, ba tanõ andre, ba si lõ teboelõ, iroegi zi lõ aetoe. (Sin. 104, 5).

5Ba toemboe loeo ba aechoe, si foelõi ia, isaw̃a zi toemboe ia dania.

6Tefoejoe nangi miraja, ba iroegi jõoe; tefoejoefoejoe manõ ia, ba ifoelifoeli ia ba nifasoeinia mege.

7Ba nasi noemalõ nidanõ fefoe, ba lõʼõ sa falawoe nasi: ba zi noemalõ idanõ andrõ, ba daʼõ manõ zoei loealoea dania.

8Fefoe hadia ia, ba serege tõdõ; tebai ahori idoenõdoenõ niha; lõ aboeso hõrõ wamaigi, ba lõ afõnoe dõgi dalinga ba wamondrongo. (Amaed. 27, 20).

9Hadia zi no aefa, daʼõ zoei zi so dania, ba si no noemalõ, ba ifoeli itõrõ dania, ba lõ hadia ia zi bohooe so ba goeli danõ. (F. 3, 15).

10Hadia, so hadia ia niw̃aʼõda: Hiza, sawena so daʼõ? No fõna saʼae so, ba gõtõ fõnada.

11Lõʼõ saʼae itõrõ tõdõ zi so mege, fõnada, ba he si so dania, foerida, ba lõ dania itõrõ tõdõ zi so foerira zoei dania.

12III. Jaʼodo, sangombacha andre, ba no razo Ndraono Gizeraëli ndraʼo, ba Jeroezalema.

13Ba no oebeʼe dõdõgoe ba wangaloengaloei ba ba wamaigimaigi fefoe hadia ia ba goeli danõ, ba waʼatoeatoeagoe: famakao, nibeʼe Lowalangi ba nono niha, wangeregesi tõdõ ba daʼõ! (Raz. I. 4, 29 b. t.).

14No ahori oeʼila nilaoelaoe ba goeli danõ, ba si ndroehoe: oi si lõ boto ba folohi angi.

15Sabila, ba tebai adõlõ, ba sambõʼambõ, ba tebai niʼerai.

16Ba oemane dõdõgoe: Si ndroehoe, no oesõndra waʼatoeatoea, ba itoegoe tedooedooe, italoei fefoe zalaw̃a ba Jeroezalema, fõnagoe, no fahõna waʼatoeatoea ba faʼaboto ba dõdõ niʼila dõdõgoe. (Raz. I. 3, 12. F. 2, 9).

17Ba me oeʼaloealoei, enaʼõ aboto ba dõdõgoe waʼatoeatoea ba he faʼowõhõ mowa ba faʼambõ tõdõ, ba oesõndra, wa folohi angi daʼõ gõi. (F. 2, 12; 7, 26).

18Na no fahõna waʼatoeatoea, ba fahõna gõi waʼaboe dõdõ, ba na so zangõhõna faʼaboto ba dõdõ, ba no sangõhõna faʼafõchõ gõi.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index