Search form

SOERA NEHEMIA FAZA

I. Irongo waʼaboe dõdõ mbanoea Jeroezalema Nehemia. II. Fangandrõnia chõ Lowalangi.

1I. Hikaja chõ Nehemia andrõ, ono Hakalia. Me baw̃a Kisilewi, dõfi si doea woeloe, me sodo ba gõdo ba Zoesa, (F. 2, 1), 2ba mõi chõgoe nachigoe Hanani, awõ mado Joeda õsa. Ba me oesofoe chõra, he wisa ba niha Jehoeda saoeri andrõ, si tosai niʼoloiʼõ no, ba he wisa ba Jeroezalema, 3ba lamane chõgoe: Si tosai andrõ, si lõ ahori niʼoloiʼõ no, ba danõ andrõ, ba no noemana sibai ba no si tehawoe faʼaila, me no moedoedoegõ gõli Jeroezalema õli kara, ba me no moetoenoe mbawa gõli. (Raz. II. 25, 10).

4II. Ba me oerongo doeria andrõ, ba moedadaodo tooe, megeʼegedo ba mangarõngarõdo, mato doea wongi waʼara; ba mamoni ba gõ ndraʼo ba mangandrõngandrõ ndraʼo chõ razo zoroego, oemane: 5”He Jehowa, Lowalangi ba zoroego, Lowalangi seboea ba sataʼoe ita, si lõ mowoeʼai fawoeʼoesa li faʼahachõ dõdõ andrõ ba zangomasiʼõ jaʼoegõ ba ba zoloʼõ oroisamõ. (Dan. 9, 4). 6Beʼe mbõrõ dalingamõ ba bokai hõrõoe, enaʼõ õrongo wangandrõ genonioe andre, si lõ oebato chõoe iadaʼe, bongi maʼṍchõ, salahi Ndraono Gizeraëli, enonioe andrõ, wangombacha chõoe horõ Ndraono Gizeraëli, horõma chõoe; he jaʼodo andre, ba jaʼaga si samba omo, ba oi si no molalõ chõoe. 7No tenga sideʼide horõma chõoe, ba lõ niʼoʼõma oroisamõ, awõ nifachoimõ, awõ hoekoemõ andrõ, niw̃aʼõoe chõ genonioe Moze. 8Tõrõ tõdõoe daroma limõ andrõ, niw̃aʼõoe, chõ genonioe Moze, me õmane: Na molalõ ami, ba oefazaewe ami ba niha baero! (Moz. V. 4, 27). 9Ba na mifalalini geraʼerami, na mifoeli ami chõgoe, ba na mibeʼe ba dõdõmi goroisagoe ba na miʼoʼõ, ba he ba wondrege, ba gahe mbanoea so nifazawili andrõ chõmi, ba oeʼozaragõ zoei ira ba oeʼohe mangawoeli ba danõ andrõ, nitoejoegoe, ba wamonahia tõigoe ba daʼõ. 10Noa sa atṍ enonioe ira ba banoeaoe, niʼorifimõ mege, ba waʼabõlõoe andrõ, tangaoe sabeʼe andrõ. 11He Soʼaja, beʼe mbõrõ dalingaoe ba wangandrõ genonioe andre ba ba wangandrõ genonioe sato, somasi mangataʼoefi tõimõ andrõ: tolo, enaʼõ mofozoe nilaoe genonimõ andre maʼõchṍ, ba enaʼõ faloecha ia waʼahachõ dõdõ razo andrõ!” Ba jaʼodo, ba sameʼe jomo gõ chõ razo.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index