Search form

SOERA ZINOENÕ 101

Sinoenõ 101.

Ifaboeʼoe linia salaw̃a, itõrõ zomasi Lowalangi.

Chõ Dawido; Sinoenõ.

1Daʼoedoenõdoenõ waʼeboea dõdõ andrõ ba faʼatoelõ andrõ; jaʼoegõ, Jehowa, nisoenogoe!

2Daʼoehaogõhaogõ wanõrõ lala, lala sadõlõ; ha waʼara mõiʼõ chõgoe? Daʼoeʼadõlõʼõ dõdõgoe, wolaoe hadia ia baomo chõgoe.

3Lõ oebeʼe ba doedoema hõrõgoe zi lõ sõchi; oeʼogorofi wolaoe si fahole; bõi ja fatõfa chõgoe. (Amaed. 20, 8. 28).

4Ja arõoe chõgoe dõdõ si falimo; lõ edõnado zi lõ sõchi.

5Sanandraw̃aisi awõnia ba zi tobini, ba oefakiko; si fajaw̃a ba seboea hocha, ba techõgoe.

6Oenehegõ zi lõ farõi andrõ, ba danõ, enaʼõ chõgoe sosó ira; sanõrõ lala sadõlõ, daʼõ genonigoe. (Amaed. 22, 11).

7Bõi ja so baomo chõgoe zi falimo; solaoe faja, ba bõi jamonaha fõnagoe.

8Oeʼerogõ mahemoloe wamakiko samazõchi horõ, ba danõ, ba wangohori ba mbanoea Jehowa andrõ solaoe si lõ sõchi. (Amaed. 20, 26).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index