Search form

SOERA ZINOENÕ 108

Sinoenõ 108.

I. Famarooe tõdõ ba wanoeno Lowalangi. II. Omoeso dõdõ, wanõtõna femõna.

(A. 1—7: Sin. 57, 5—12.)

1Oemanõ. Sinoenõ; chõ Dawido.

2I. Abeʼe dõdõgoe Lowalangi, manoenõ ndraʼo ba oelaoe mbiola; tõdõgoe andre gõi.

3Faoso biola nitika seboea ba biola nitika sideʼide! Daʼoesoesoegi waʼamoloeo! (Sin. 16, 9).

4Oesoeno ndraʼoegõ Jehowa, ba niha misa; oelaoe manoenõ chõoe ba niha baero!

5Noa sa abõlõ waʼeboea dõdõoe andrõ, italoeʼi mbanoea si jaw̃a, ba iroegi lawoeo waʼadoehoemõ andrõ.

6Ae jaw̃a, Lowalangi, jaw̃a mbanoea si jaw̃a; ja tehawoe goeli danõ maʼasagõrõ lachõmimõ andrõ!

7Enaʼõ teʼorifi niʼomasiʼõmõ andrõ, ba tolo kambõlõoe ba fondrondrongo chõgoe!

(A. 8—14: Sin. 60, 7—14.)

8II. No moehede Lowalangi ba waʼohaoehaoenia andrõ: Sowoeawoea tõdõ ndraʼodo; oefosasi Zichema ba oesoeʼa ndraso Zoekota.

9Chõgoe Gileadi ba chõgoe Ndraono Manase, nõoegoe ba hõgõgoe Ndraono Geferaji, ba siʼo zalaw̃a chõgoe Ndraono Joeda.

10Naha wanasa chõgoe Ndraono Moabi, ba Ndraono Gedomo oefazaoemba mbadagahegoe, ba sowoeawoea tõdõ ndraʼo ba danõ Ndrawa Wilisiti andrõ.

11Ha niha zolohe jaʼodo ba mbanoea saro? Ha niha zamasao jaʼo iroegi ba Ndraono Gedomo?

12Hadia, tenga jaʼoegõ zaniboʼõ jaʼaga, Lowalangi, ba si lõ mõi awõ zanoewõ chõma, jaʼoegõ Lowalangi?

13Tologa ba zanasagõ jaʼaga andrõ; faja saʼae wangorifi ba niha!

14Na awõ Lowalangi, ba malaoe, nifolaoe zabõlõ; jaʼia zi hoendragõ tooe zanasagõ jaʼaga.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index