Search form

SOERA ZINOENÕ 11

Sinoenõ 11.

I. Faʼabeʼe dõdõ Dawido ba chõ zi fatioe tõdõ chõnia. II. Fanõtõnania ba waʼatoelõ Lowalangi ba ba waʼeboea dõdõnia.

Chõ doeka wanoenõ andrõ; chõ Dawido.

1I. Chõ Jehowa abeʼe dõdõgoe. Hana wa mimane chõgoe: ”Miʼoloi ba hili andrõ chõmi, si mane fofo?” (Sam. I. 26, 20).

2Si ndroehoe sa, lachai wana seboea horõ andrõ; no lafaedogõ nono wana ba zinali andrõ, ba wamana sadõlõ tõdõ, ba zogõmigõmi. (Sin. 37, 14; 64, 4. 5).

3Na tedoedoegõ zilalõ jaw̃a andrõ, ba hadia nilaoe zatoelõ andrõ!

4II. Ba gõdonia niʼamoniʼõ andrõ so Jehowa; Jehowa si so dadaoma ba zoroego, ifachõlõ ia, ifaigifaigi nono niha hõrõnia. (Hab. 2, 20. Jes. 66. 1. Sin. 33, 13. 14).

5Ifaigifaigi zatoelõ andrõ Jehowa, ba iʼogorofi tõdõnia zeboea horõ andrõ ba somasi mamakao awõnia. (Sin. 5, 5).

6Ihawoei dania fesoe zeboea horõ andrõ; alitõ ba talõ balera ba angi saoechoe goerachara, ba makora andrõ. (Moz. I. 19, 24).

7Satoelõ sa Jehowa, iʼomasiʼõ waʼatoelõ. Ihõrõhõrõgõ zadõlõ tõdõ. (Sin. 33, 5; 17, 15).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index