Search form

SOERA ZINOENÕ 110

Sinoenõ 110.

Famaʼeleʼõ razo ere andrõ, Mesia.

(Mat. 22, 44. Hal. zin. 2, 34. Heb. 1, 13; 5, 6.)

Chõ Dawido. Sinoenõ.

1No iw̃aʼõ Jehowa chõ Zoʼaja jaʼo andrõ: ”Dadao ba gambõlõgoe, irege oebeʼe danedane gaheoe zi faʼoedee chõoe andrõ.”(Kor. I. 15, 25. Heb. 10, 12. 13).

2Moroi ba Ziona iʼoroʼõ Jehowa ziʼo waʼabõlõoe andrõ; ”ja salaw̃a ndraʼoegõ ba zi faʼoedoe chõoe andrõ.” (Sin. 2, 6).

3Laʼoʼõ banoeaoe, moroi siʼaikõ ba dõdõ, nana baw̃a waʼabõlõoe; ba hili niʼamoniʼõ. Moroi ba gaheta waʼamoloeo toemboe chõoe nono matoea andrõ, timba namo. (Sin. 29, 2).

4No fahõloe Jehowa ba lõ ifoeli mangesa dõdõnia: ”Ere ndraʼoegõ, iroegi zi lõ aetoe, dali gamoeata Melechisede andrõ.” (Moz. I. 14, 18—20. Heb. 5, 10; 6, 20; 7, 17. 21).

5Irasa razo Soʼaja, si so ba gambõlõoe, na baw̃a wõnoenia andrõ. (Sin. 2, 2. 5. 9).

6Ihoekoe dania niha baero, fahõna mboto zi mate ibeʼe; iboto hõgõ ba zebolo tanõ.

7Ibadoe mbombo ba zinga lala; andrõ ifaõga mbawania. (Fil. 2, 8. 9).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index