Search form

SOERA ZINOENÕ 113

Sinoenõ 113.

Famarooe tõdõ ba wanoeno Jehowa, sangahatõʼõ jaʼia ba zi noemana.

1Haleloeja! Miʼanoenõ, jaʼami enoni Jehowa andrõ! Misoeno dõi Zoʼaja!

2Nisoeno dõi Jehowa andrõ, iʼotarai daʼe, ba iroegi zi lõ aetoe!

3Iʼotarai gatoemboecha loeo noemalõ ba gaechoelania, ba nisoeno dõi Jehowa andrõ!

4Jehowa andrõ, ba no salaw̃a niha bõʼõ fefoe; ba italoeʼi mbanoea si jaw̃a lachõminia andrõ.

5Ha niha zi fagõlõgõlõ chõ Lowalangida Jehowa andrõ? sidadao ba zalaw̃a jaw̃a andrõ. (Moz. II. 15, 11. Jes. 57, 15).

6Ba sangideʼideʼõ jaʼia, ba wamaigi banoea si jaw̃a ba tanõ tooe. (Loek. 1, 48).

7Samazaw̃a si lõ tõi, moroi ba danõ, ba samaoso si noemana, moroi ba damboe. (Moz. I. 41, 40. Sam. I. 2, 8).

8Enaʼõ ifataro ba ngai zalaw̃a, ba ngai zalaw̃a mbanoeania andrõ.

9Sangahonogõ si lõ ono baomo, si mane ina nono matoea somoeso tõdõ. Haleloeja! (Moz. I. 21, 2. Sam. I. 1, 20; 2, 21. Loek. 1, 57. 58).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index