Search form

SOERA ZINOENÕ 114

Sinoenõ 114.

Fanoeno sahõlihõli dõdõ andrõ chõ Lowalangi, me iʼefaʼõ Ndraono Gizeraëli ba danõ Miseraji.

1Me aheta Ndraono Gizeraëli ba danõ Miseraji, me aheta maʼoewoe Jakobo ba niha andrõ si fabõʼõ li, (Moz. II. 12, 41).

2ba tobali niʼamoniʼõ chõnia Ndraono Joeda ba amatõrõw̃ania Ndraono Gizeraëli.

3Iʼila asi, ba abõda; ibaliʼõ ia foeri Joridano andrõ. (Moz. II. 14, 21. 22. Jos. 3, 13. 16).

4Manoka hili, hoelõ mbiribiri si matoea, awõ hilihili, hoelõ nono mbiribiri. (Sin. 68, 9).

5Hana ndraʼoegõ, jaʼoegõ asi, wa abõdaʼõ, ba jaʼoegõ Joridano, wa õbaliʼõgõ foeri?

6Ba jaʼami hili, wa manoka ami, hoelõ mbiribiri si matoea, ba jaʼami hilihili, wa hoelõ ba nono mbiribiri wanokami?

7Ba wamaigi Zoʼaja jaʼoegõ anizinizi, jaʼoegõ tanõ, ba wamaigi Lowalangi Jakobo andrõ jaʼoegõ.

8Samaliʼõ baw̃a nidanõ soëwe, ba samaliʼõ oemboe gowe sabeʼe.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index