Search form

SOERA ZINOENÕ 122

Sinoenõ 122.

Fanoenõ zomoeso tõdõ; famahowoeʼõ Jeroezalema ba zi mõi ba gowasa andrõ.

Sinoenõ ba weʼamõi misi jaw̃a; chõ Dawido.

1Omoeso dõdõgoe, me lamane chõgoe: ”Mõi ita ba gosali Jehowa andrõ!” (Sin. 26, 6—8).

2Ba mbawa gõlimõ tebato ndraʼaga, jaʼoegõ Jeroezalema!

3Jeroezalema andrõ, si no moefoeli moetaroeʼõ, banoea nihaogõ famabõbõ!

4Ba zi mõi misi jaw̃a mado andrõ, mado chõ Jehowa andrõ, dali goroisa andrõ ba Ndraono Gizeraëli, ba wanoeno tõi Jehowa.

5Ba daʼõ sa tefedadao dadaoma andrõ, ba wangoehoekoe, dadaoma nono Dawido andrõ.

6Mifahowoeʼõ Jeroezalema andrõ! Ja faloecha waʼohahaoe dõdõ zomasi jaʼoegõ! (Sach. 4, 7).

7Ja atoelõ bacha barõ gõli chõoe, ba ja monaha waʼohahaoe dõdõ ba gõdo andrõ chõoe!

8Bõrõ dalifoesõgoe ba si fahoewoe chõgoe, wa oemane: ”Ja monaha waʼatoelõ chõoe!”

9Bõrõ nomo Lowalangida Jehowa andrõ, wa oeʼaloei zi sõchi chõoe.

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index