Search form

SOERA ZINOENÕ 124

Sinoenõ 124.

Fangandrõ saoha gõlõ fangorifi andrõ chõ Lowalangi ba fanoeno jaʼia.

Sinoenõ ba weʼamõi misi jaw̃a; chõ Dawido.

1Na tenga Jehowa menaʼõ zi oawõgõ jaʼaga — ja lamanõ Iraono Gizeraëli —

2Na tenga Jehowa menaʼõ zi oawõgõ jaʼaga, me maoso chõma niha,

3ba noa saʼae latõlõ aoeri ndraʼaga menaʼõ, me tesao wõnoera chõma.

4Noa saʼae inõnõi menaʼõ ndraʼaga idanõ andrõ, ba no itõrõ menaʼõ nosoma idanõ seboea andrõ. (Sin. 42, 8; 69, 16).

5No itõrõ menaʼõ nosoma idanõ andrõ seboea hocha.

6Nisoeno Jehowa, si lõ moloeloe jaʼaga õ mbohara andrõ.

7No aefa nosoma, hoelõ wofo ba wesoe ba zolaoe fesoe wofo; no aetoe wesoe andrõ, ba no aefa ndraʼaga.

8Fangorifima andrõ, ba ba dõi Jehowa so ia, ba dõi Jehowa andrõ samazõchi banoea si jaw̃a, awõ danõ. (Sin. 121, 2).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index