Search form

SOERA ZINOENÕ 128

Sinoenõ 128.

Faʼohahaoe dõdõ zatoelõ tõdõ andrõ, jomo chõra.

Sinoenõ ba weʼamõi misi jaw̃a.

1Ja ahowoe dozi sangataʼoefi Jehowa, sanõrõ lala andrõ chõnia.

2Õʼā gõlõ dangaoe andrõ; ja ahowoe ndraʼoegõ, sohahaoe tõdõ ndraʼoegõ.

3Foʼomooe andrõ, ba no hoelõ w̃ew̃e nagoe sowoea, baomooe, ba iraono andrõ chõoe, ba no hoelõ ndraha falo, tefasoei meza chõoe. (Sin. 127, 3).

4Hiza, si manõ howoehowoe ba niha sangataʼoefi Jehowa.

5Jamoefahowoeʼõ ndraʼoegõ Jehowa, moroi ba Ziona, ba jagõ moeʼila waʼohahaoe dõdõ Jeroezalema andrõ, faʼomoeso dõdõoe, gõtõ waʼanaoe nosooe.

6Ba jagõ faloecha maʼoewoe! Ja faloecha waʼohahaoe dõdõ Ndraono Gizeraëli! (Sin. 125, 5).

Soera Ni’amoni’ö

Soera Ni’amoni’ö, Nias Bible (revised ed.) © 2009, Indonesian Bible Society – Lembaga Alkitab Indonesia More Info | Version Index